Sport

Mourinho, përpjekje për të marrë te Roma Ronaldon

Autori: Gazeta inFokus 13:10 | 28 May 2021

Mourinho punon për të marrë te Roma Granit Xhakën, por mediat italiane zbulojnë se portugezi, gjithmonë ambicioz në maksimum, ka patur si ëndërr të afronte te verdhekuqtë Cristiano Ronaldon.

Trajneri i ri i Romës ka komunikuar drejtpërdrejt me “yllin” e Juventusit, për të kuptuar se cilat ishin synimet e tij për të ardhmen, duke provuar ta bindte të transferohej në kryeqytetin italian.

Kontaktet janë thjeshtuar edhe nga fakti se të dy, që kur ishin bashkë në kohët e Realit të Madridit, kanë të njëjtin menaxher, portugezin Jorge Mendes.

Operacion, për të thënë të vërtetën, i pamundur për t’u realizuar, për shkak të kostove të kartonit dhe pagës dhe për faktin se në aspektin e ambicieve Ronaldo do të ishte i detyruar të hiqte dorë nga Champions League aq e dashur për të, për të luajtur në Konference League.

I vetmi avantazh për Ronaldon do të ishte se do të ruante favoret fiskale që parashikon ligji italian. Nëse do të linte Serinë A, Ronaldo do ta bënte vetëm për një klub të madh europian. Me Manchester United që është në avantazh si e vetmja skuadër që ka bërë seriozisht përpara.

Të tjera