Lajme

Moti i keq në Maqedoni, ndërpritet komunikacioni në disa rrugë

Autori: Gazeta inFokus 11:38 | 02 December 2017

Komunikacioni nëpër rrugët e Maqedonisë po zhvillohet në kushte të rënduara, nëpër rrugë të lagështa.
Dukshmëri e zvogëluar për shkak të mjegullës nga 50 deri më 100 metra ka në Stracin dhe deri më 150 metra në Pletvar, paralajmërojnë nga NP “Rrugët e Maqedonisë”.

Nga ora 1:00 ka ndërprerje të plotë të komunikacionit në rrugën rajonale Vallandovë-f.Udovë, për shkak të ujit të shtuar në lumin e Kalkovës.

Rruga lokale f.Zheleznec – f.Mallo Ilino në Demir Hisar nuk është i kalueshëm për shkak të reshjeve intensive të shiut. Në drejtimin rrugor Mavrovë – Galiçnik, 100 metra para Çezmës së Mbretit komunikacioni zhvillohet në kushte të rënduara për shkak të derdhjes së ujit në rrugë.

-Advertisement-

Në këtë vend është vendosur sinjalizim përkatës. Rekomandohet që kjo rrugë të mos shfrytëzohet deri në sanimin e saj dhe normalizimin e komunikacionit në të.

Subscribe në YouTube: GAZETA INFOKUSI