Moti i nxehtë, shtohet numri i pacientëve në QKMF – “Evitoni ekspozimin në diell, pini sa më shumë ujë”
![](https://gazetainfokus.com/wp-content/uploads/2024/06/moti-1-600x3491-1.png)
Autori: Gazeta inFokus
19:53 | 19 June 2024
“Ai saçi i nxehtësisë këtë javë do të jetë i stacionuar bash mbi rajonin tonë, kështu që atë të nxehtin më të madh kemi me pasë këtë javë”. Ky ishte paralajmërimi i meteorologut kosovar, Mendim Rugova, i cili derisa po e jepte në T7 motin për gjatë javës së parafundit të muajit qershor, parashikoi se temperaturat do arrijnë deri në 36 gradë Celsius.
Me rritjen e temperaturave dhe valën e nxehtësisë që po përshkon vendin tonë, shëndeti i qytetarëve konsiderohet të jetë në rrezik. E, sipas profesionistëve shëndetësorë, këtu më të rrezikuarit janë personat e moshuar, fëmijët dhe gratë shtatzëna.
Për të ndihmuar në parandalimin e efekteve negative të nxehtësisë, specialisti i Mjekësisë Familjare në Qendrën Kryesore të Mjekësisë Familjare në Prishtinë, Rushit Ismajli, ka ndarë disa këshilla të rëndësishme dhe masa parandaluese që çdo qytetar duhet të marrë për të mbrojtur veten dhe të dashurit e tyre gjatë ditëve të nxehta.
Dr.Ismajli, në një bisedë për gazetën online Reporteri.net, u ka rekomanduar qytetarëve, sidomos grupit të personave të ndjeshëm, që të evitojnë ekspozimin në diell nga ora 10:00 deri në orën 16:00, e po ashtu të konsumojnë sa më shumë ujë në mënyrë që të mos rrezikojnë dehidrimin.
Ai po ashtu bëri të ditur se si pasojë e temperaturave të larta, ka pasur shtim të numrit të pacientëve në QKMF, të cilët kanë kërkuar ndihmë mjekësore.
Ndërkohë, sipas një njoftimi në fillim të qershorit nga Sherbimi Evropian i monitorimit të Motit, çdomuaj i vitit të kaluar është llogaritur si më i ngrohti në krahasimet e përvitshme.
Sekretari i Përgjithshëm i Organizatës së Kombeve të Bashkuara, Antonio Guterres, ka ngritur alarmin për ‘ferrin nga klima’, teksa ka bërë thirrje për masa urgjente.
Mesatarja e temperaturave globale për periudhën 12-muajshe deri në muajin e këtij viti ishte 1.63 gradë më e lartë sesa mesatarja e niveleve para-industriale. Kështu periudha 12-mujore ishte më e nxehta qëkur kanë nisur matjet e temperaturave në vitin 1940. Në shumë qytete evropiane, temperaturat kanë arritur mbi 45 gradë celsius gjatë muajve të verës, korrikun dhe gushtin. Ndërkaq, krizë të madhe për ujë pati Barcelona që iu shterua në pikat më të ulëta rezervuari më i madh i ujit.
![](https://gazetainfokus.com/wp-content/uploads/2023/10/WhatsApp-Image-2023-10-27-at-10.46.41.jpeg)
Të tjera
-
Të shtëna me armë zjarri në Siqevë të Prishtinës, qëllohet një veturë nga dy anët e rrugës
Të shtëna me armë zjarri janë dëgjuar sonte në fshatin Siqevë të Prishtinës. ...
-
Tri ligjet për të cilat reaguan Ambasadori gjerman dhe Zyra e BE’së nesër në Kuvend
Zyra e Bashkimit Evropian në Kosovë ka thënë se është për keqardhje që nuk ja...
-
Ndalohet edhe një person për spiunazh, është nga rajoni i Mitrovicës – për momentin po i bastiset banesa
Prokuroria Speciale e Republikës së Kosovës, njofton se pas zhvillimit të het...
-
Kuvendi i Kosovës nesër mban seancë plenare
Kuvendi i Kosovës nesër do të mbajë seancë plenare, me fillim nga ora 10:00. ...
-
Kurti s’e takoi Vuçiqin sepse u frikësua – për çfarë e ka fjalën Blerim Latifi?
Analisti Blerim Latifi e komentoi deklaratën e kryeministrit Kurti dhënë nga ...
-
Klinaku: Kurti mashtrues, bëhet kinse i vë kusht për dorëzimin e Radojiçiqit në anën tjetër koordinohet me të
Faton Klinaku nga OVL-UÇK e ka quajtur kryeministrin Albin Kurtin mashtrues, ...
-
Shkëlzen Gashi: Më pëlqyen shumë kushtet e Kurtit që ia qiti Vuçiqit
Analisti Shkëlzen Gashi ka folur për kushtet e kryeministrit Albin Kurti që i...
-
Kushtet e Kurtit në Bruksel, Borell tregon çfarë tha Vuçiq kur i dëgjoi ato
Përfaqësuesi i Lartë i BE’së për Politikë të Jashtme Josep Borell ka duke fol...
-
Kryenegociatorët e Kosovës dhe Serbisë takohen javën e ardhme në Bruksel
Kryenegociatorët e Kosovës dhe Serbisë do të zhvillojnë takim gjatë javës së ...
-
Reagojnë nga komuna e Obiliqit pasi drejtori i QKMF-së kërcënoi gazetaren e Infokusit: “Nuk është hera e parë që shfaqet i dhunshëm.. Do të marrim masa”
Të martën gazetarja e Infokusit, Hateme Smajli u fye e u kërcënua nga drejtor...
-
Pamje të rënda: Vërshime në Opojë pas reshjeve të mëdha të shiut
Disa pjesë të Opojës janë duke pasur probleme me vërshime. Qytetarë të kës...
-
Borrell: Kurti paraqiti kushte, Vuçiq nuk i pranoi, takimi trepalësh dështoi
Ndonëse ishte planifikuar mbajtje e një takimi të përbashkët mes kryeministri...