Sport

Morata: Natyrisht që do të rikthehesha te Real Madridi

Autori: Gazeta inFokus 14:22 | 10 November 2017

Alvaro Morata ka thënë se do të ishte i lumtur t’i ribashkohej Real Madridit në të ardhmen.

Sulmuesi i Chelsea u largua nga ekipi i Zinedine Zidane gjatë verës, duke iu bashkuar kampionit të Premier Ligës pasi kishte dështuar të siguronte vendin e titullarit në 11-shën e parë në “Bernabeu”, transmeton Express.

I pyetur nëse do të konsideronte rikthimin në Madrid në të ardhmen, Morata ka thënë për Cadena SER: “Natyrisht se do të rikthehesha në Real Madrid. Pasi të fitoj gjithçka me Chelsea dhe të bëj një karrierë të madhe këtu, pse jo?”

-Advertisement-

Ai ka thënë se është vështirë ta refuzosh Real Madridin.

“Është shumë e vështirë t’i thuash ‘jo’ Real Madridit për një tifoz të Real Madridit si unë. Por, nuk besoj se do të ndodh, por kush e di”, ka shtuar ai.