Sport

Modriç tek Milani? Flet Maldini: Do të ishte i përsosur këtu, por…

Autori: Gazeta inFokus 15:41 | 19 Korrik 2019

Milani është në kërkim të një mesfushori, dhe në media raportohet se kuqezinjtë pëlqejnë mesfushorin e Real Madridit, Luka Modriç.

Prej kohësh në media qarkullon lajmi se drejtuesit kuqezi kanë nisur negociatat, për të transferuar në “San Siro”, mesfushorin kroat.
Për të shuar këto zëra ka menduar Paolo Maldini i cili në një intervistë u shpreh: “ Ne kurrë nuk kemi negociuar për Modriç, por e kemi thënë më Xhiampaolon se ky klub kërkon lojtarë të rinj dhe disa me eksperiencë. Lojtarët e rinj do të rriteshin shumë në prani të lojtarëve të tjerë me eksperiencë. Luka do të ishte i përsosur këtu, por ne kurrë nuk kemi negociuar për të.”, u shpreh drejtori teknik i kuqezinjve.

Gjithashtu 51-vjeçari foli edhe për pozitat ku kanë nevojë për përforcime: “Në kemi nevojë për lojtarë në pozita të caktuara. Na kanë mbetur vetëm katër mesfushorë, dhe ne duhet të ndërhyjmë atje. Milani duket se po mbetet prapa në merkato, por mos harroni afati mbyllet në 2 shtator, dhe ne nuk jemi me ngut.”, mbylli intervistën Maldini.

-Advertisement-