Sport

Mirilnd Daku ‘kërcënon’ Dritën, ka diçka për të thënë për ata që e injoruan

Autori: Gazeta inFokus 17:27 | 02 October 2017

Sezoni i ri në Vala Super Ligën e Kosovë po del të jetë shumë interesant. Është skuadra e Llapit e cila nuk po njeh kundërshtar këtë edicion .

Ekipi llapjan ka pësuar vetëm një humbje në tetë xhirot e zhvilluar deri më tani. Për formën e jashtëzakonshme të klubit, padyshim që janë meritorë futbollistët e shtabi teknik, gjë që tregon se brenda skuadrës po mbizotëron një atmosferë e mirë.

Njëri ndër futbollistët më meritorë për formën e mirë të Llapit është Mirlind Daku, i cili po tregohet i pa mëshirshëm ndaj portave të kundërshtarëve.

-Advertisement-

Ai thotë se këtë formë të mirë do të skuadrës do të mundohen ta ruajnë deri në fund të kampionatit.

“Kemi një bagazh të mirë të lojtarëve, të cilët po e mundohen ta japin maksimumin për ekip. Jo më kot kemi arritur rezultate të mira. Do të mundohemi që në çdo ndeshje të hyjmë me një qëllim, të marrim pikët maksimale”, ka thënë Daku për ORAinfo.

Ndeshjen e radhës Llapi do të takohet me ekipin e Dritës, përballje kjo e cila është shumë e veçantë për Dakun.

Talenti i ri ka ‘kërcënuar’ Dritën duke thënë se do ta jap maksimumin e tij në këtë ndeshje, por rrëfyer diçka shumë interesante.

“Me Dritën është një ndeshje speciale për mua. Do ta jap maksimumin tim me i tregu jo vetëm Dritës, por gjithë qytetit të Gjilanit që kam merituar më shumë përkrahje dhe mundësi, e jo të injorohem në atë mënyrë.

Kështu që në nëse shënoj gol do mundohem te mos festoj për ‘hatër’ të tifozëve ‘Intelektualët’ që me kanë përkrah gjithmonë edhe pse nuk luaj për skuadrën që ata bëjnë tifo”, ka përfunduar, Daku.

Super-talenti i Llapit ka shënuar tre gola këtë sezon, llogaritet si njëri ndër futbollist kyç të skuadërs llapijane. /ORAinfo/