Lajme

Miratohet projektligji për Sigurimin e Detyrueshëm të Kujdesit Shëndetësor

Autori: Gazeta inFokus 11:14 | 28 August 2024

Në mbledhjen e Qeverisë të mërkurën, u miratua projektligji për Sigurimin e Detyrueshëm të Kujdesit Shëndetësor.

Ministri i Shëndetësisë, Arben Vitia, deklaroi se me anë të këtij projektligji, do të rregullohet edhe çështja e mbledhjes së kontributeve nga qytetarët për Fondin e sigurimeve.

Madje, ministri tha se me miratimin e këtij projektligji, për herë të parë do të përcaktohen edhe rregullat për listën e barnave të rimbursueshme.

-Advertisement-

“Kjo nismë ligjore është paraprirë nga një proces i detajuar planifikimi, analizimi por edhe diskutimi. Me këtë nismë themelohet fondi i sigurimit të detyrueshëm shëndetësor i Republikës së Kosovës. Për herë të parë përcakton rregullat për listën e barnave të rimbursueshme që do të transformojë rrënjësisht mbështetjen që shteti jep për qytetarët. Me këtë projektligj po rregullohen edhe çështjet e mbledhjes së kontributeve nga qytetarët për fondin e sigurimeve dhe këto kontribute do të jenë një nga burimet e rëndësishme të financimit të shëndetësisë në të ardhmen e afërt”, ka thënë Vitia.

Më tej, Vitia konsideroi që ky projektligj është moment vendimtar për Kosovën, përfshirë këtu edhe ngritjen e sistemit shëndetësor në një nivel të ri.

“Konsideroi që ky është një moment vendimtar për vendin tonë, për marrëdhënien qytetar-shtet dhe për ngritjen e sistemit shëndetësor në një nivel të ri. Zbatimi i këtij ligji do të jetë një nga sfidat më domethënëse të qeverisjes sonë dhe me të po japim në të tashmen mbështetjen më të madhe për shëndetësinë dhe për të ardhmen qëndrueshmërinë e shpenzimeve për çështjen e shëndetit”, ka theksuar tutje ministri.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme