Miratimi i ligjit të ri, Këshilli Prokurorial: Pushteti po tenton ta kapë dhe dirigjojë KPK-në e Prokurorin e Shtetit
![](https://gazetainfokus.com/wp-content/uploads/2024/07/Keshilli-Prokurorial-i-Kosoves-600x360-1.jpg)
Autori: Gazeta inFokus
17:01 | 15 July 2024
Këshilli Prokurorial i Kosovës thotë se Qeveria po synon ta bëjë “të kundërtën e reformës” dhe “bllokimin e defunksionalizimin e sistemit prokurorial”, pasi Kuvendi javën e kaluar miratoi një ligj të ri për KPK-në.
KPK përmes një reagimi publik, tha se Qeveria “në vazhdimësi ka injoruar dhe refuzuar komentet, sugjerimet dhe propozimet e përfaqësuesve të deleguar të KPK-së në grupet punuese, të formuara nga ana e Ministrisë së Drejtësisë dhe në komisionet e Kuvendit të Republikës së Kosovës për plotësimin dhe ndryshimin e Ligjit të ri për KPK-në, i cili është miratuar më 11 korrik 2024”.
“Kjo praktikë e njëanshme e miratimit të akteve ligjore, tregon qartazi se Qeveria e Kosovës dhe shumica në Kuvendin e Kosovës, me vetëdije dhe në emër të reformave, synojnë të bëjnë të kundërtën e reformës, pra bllokimin dhe defunksionalizimin e sistemit prokurorial”, thuhet në reagim.
Miratimi i këtij ligji, sipas KPK-së, paraqet “një lloj absurditeti të llojit të rrallë”.
“KPK-ja thekson se miratimi i këtij ligji përbën mosrespektim dhe shkelje të hapur të parimeve kryesore të Deklaratës së Përbashkët të Zotimit, që, në vetvete, paraqet një lloj absurditeti të llojit të rrallë, ngaqë përbërja e Ekzekutivit aktual, gjegjësisht, Ministria e Drejtësisë, nuk po arrin assesi të shmangë qëndrimet politike në raport me sistemin prokurorial, duke mos përfillur sugjerimet e shumanshme dhe duke rënë në kundërshtim jo vetëm me kërkesat e bazuara të përfaqësuesve të KPK-së, por edhe me kërkesat dhe rekomandimet e përfaqësuesve të Bashkimit Evropian dhe organizatave vendore dhe ndërkombëtare”, thuhet në reagimin e KPK-së.
Këshilli Prokurorial shprehu mirënjohjen për përfaqësuesit ndërkombëtarë dhe ata të shoqërisë civile që “u vunë në mbrojtje të këtyre parimeve dhe insistuan me ngulm që Qeveria dhe Kuvendi i Kosovës të mos injorojnë rekomandimet e institucioneve vendore, Bashkimit Evropian, Këshillit të Evropës dhe OSBE-së sa i përket Projektligjit për Këshillin Prokurorial”.
“Me këtë rast, KPK-ja është bashkuar plotësisht me thirrjet dhe apelet kuptimplota për respektimin e normave dhe standardeve evropiane para miratimit të këtij ligji dhe ligjeve të tjera në Kuvend, duke kritikuar ashpër qasjen e pushtetit lidhur me cenimin e pavarësisë së institucioneve kushtetuese të vendit, siç është KPK-ja”, thuhet në njoftim.
KPK thotë se tendenca e Qeverisë paraqet “ndërhyrje rigoroze në sistemin prokurorial dhe në tërë sistemin e drejtësisë”.
“Realisht, kjo tendencë e pushtetit, e zbuluar tashmë plotësisht, paraqet ndërhyrje rigoroze në sistemin prokurorial dhe në tërë sistemin e drejtësisë, duke përtërirë çdo ditë veprime dhe lloj-lloj farsash dhe insinuatash, me qëllimin e vetëm që në emër të kinse synimit të fuqizimit të llogaridhënies më të madhe në sistemin prokurorial, të arrihet ekuilibri i përbërjes me anëtarë prokurorë dhe joprokurorë, por që, në vetvete është tentim për kapjen dhe dirigjimin e KPK-së dhe Prokurorit të Shtetit dhe cenon mandatin kushtetues dhe pavarësinë e sistemit prokurorial, duke pamundësuar funksionalizimin e tij dhe duke e bërë atë lehtësisht të ndikuar nga politika”, thuhet në reagim.
Këshilli Prokurorial thotë se mbetet i përkushtuar për t’i mbështetur proceset reformuese dhe se angazhohet që së bashku me të gjithë partnerët vendorë dhe ndërkombëtarë, të bashkëveprojë në çdolloj nisme që ka për qëllim reformimin e nevojshëm, në mënyrë që të fuqizohet sundimi i ligjit në Kosovë dhe sistemi prokurorial ta bëjë punën e vet të pavarur, profesionale, llogaridhënëse dhe transparente. Por, KPK kërkon “edhe respektimin e plotë të Kushtetutës së Republikës së Kosovës dhe mënjanimin e çfarëdo tendence për kapjen antikushtetuese të institucioneve të pavarura të vendit”.
![](https://gazetainfokus.com/wp-content/uploads/2023/09/TEB_Visual_Visa-Infinite_WEB-1.jpg)
Të tjera
-
Krimi në familjen Millaku, Policia zbardhë detajet e para për rastin
Një ngjarje tragjike që përfundoi me vrasje ka tronditur Vranjevcin sonte. Pë...
-
Haxhiu: Foto e Kurtit tregon pozicionin e saktë të tij me SHBA-të
Deputeti i PDK-së, Bekim Haxhiu ka komentuar fotografinë e kryeministrit në h...
-
Kjo është gruaja që e vŕau kunatin e saj në Prishtinë
Një ngjarje tragjike që përfundoi me vrasje ka tronditur Vranjevcin sonte. Pë...
-
Tragjike | Vràsje në Vranjevc, një grua ekźekuton kunatin
Një rast i rëndë ka ndodh para pak minutash në Vranjevc të Prishtinës. Gazet...
-
Pacolli për debatin rreth konvertimeve: Patetike të thuash se Perëndimi s’na pranon si myslimanë
Behgjet Pacollit, deputet i Kuvendit të Kosovës, ka shkruar një status, në të...
-
Gashi: Kurti e Osmani po veprojnë me koordinim
Analisti Tomë Gashi beson se presidentja Vjosa Osmani dhe kryeministri Albin ...
-
Valon Syla me shkrim goditës për Kurtin: Aq larg Bidenit, sa që as dyrbitë e Prindonit s’të afrojnë ngat
Gazetari Valon Syla ka shkruar rreth qëndrimit të Kurtit në SHBA me ftesë të ...
-
Kadrijaj: Mos mashtro Albin, kurrë më keq se tani nuk i kemi pasë raportet me ShBA-të
Marrëdhëniet me ShBA-në, më të fuqishme se kurrë”, tha kryeministri Kurti gja...
-
“Më fal baba …”, detajet nga krimi makabër në Tiranë: Mësuesi amerikan mbyti gruan, qentë dhe më pas veten
Një ngjarje e padëgjuar ndonjëherë tronditi Shqipërinë, të hënën mbrëma Shte...
-
Haziri: Kurtin s’po e presin në institucionet e Qeverisë së ShBA’ve, por nëpër zyra të partisë, Biden ka vendosur kufizime
Nënkryetari i LDK-së, Lutfi Haziri thotë se kryeministri Kurti nuk po pritet ...
-
Daçiqi pretendon se një shqiptar nga Kosova “ka kèrcènuar ambasadat serbe në Evropë”
Ministri i Punëve të Brendshme të Serbisë, Ivica Daçiq, ka pretenduar se disa...
-
Edhe Rohde thotë se çështja e Urës së Ibrit duhet të zgjidhet me dialog
Ambasadori gjerman në Kosovë, Jorn Rohde, ka theksuar se shteti i tij i jep m...