Lajme

Ministrja Haxhiu priti në takim anëtarët e Komisionit të Venecias

Autori: Gazeta inFokus 11:09 | 11 May 2022

Ministrja e Drejtësisë, Albulena Haxhiu ka pritur në takim një delegacion nga Komisioni i Venecias i përbërë nga raportuesit James Hamilton dhe Dan Meridor, si dhe Michael Janssen – përfaqësues nga Sekretariati i KV-së.

Në një njoftim për media u tha se në këtë takim u diskutua për Projektligjin për Themelimin e Byrosë Shtetërore për Verifikimin dhe Konfiskimin e Pasurisë së Pajustifikueshme, në prag të përgatitjes së Opinionit për këtë Projektligj.

-Advertisement-

“Ministrja Haxhiu së bashku me anëtarët e grupit punues i njoftuan raportuesit për qëllimin e Projektligjit dhe argumentuan në secilën çështje që u adresua nga ta.

Haxhiu falënderoi delegacionin e Komisionit të Venecias për ndihmën profesionale që po i ofrojnë Republikës së Kosovës përmes opinioneve”, thuhet në njoftim.

Ministrja ka theksuar se konsultimet me Komisionin e Venecias janë tejet të vlefshme dhe si të tilla do të vazhdojnë edhe në të ardhmen.

Subscribe në YouTube: GAZETA INFOKUSI