Ekonomi

Ministrja e Financave Bajrami takohet me ambasadorin amerikan Kosnett

Autori: Gazeta inFokus 16:17 | 15 June 2020

Ministrja e Financave, Hykmete Bajrami, është takuar me ambasadorin amerikan në Kosovë, Philip Kosnett.

Temë e këtij takimi ishin aktivitetet e kësaj ministrie sa i përket menaxhimit të financave dhe procesin e rishikimit të buxhetit, shkruan gazeta inFokus.

Ambasadori Kosnett, ka treguar gatishmërinë e ambasadës për të ndihmuar ministrinë dhe Qeverinë.

-Advertisement-

Kjo u bë e ditur në një njoftim që ka bërë vet ministrja Bajrami, shkruan gazeta inFokus.

“Sot kam pritur në takim ambasadorin e Shteteve të Bashkuara të Amerikës në Kosovë Philip Kosnett.

Biseduam rreth aktiviteteve të Ministrisë së Financave sa i përket menaxhimit të financave publike dhe projekteve tjera të rëndësishme në funksion të ruajtjes së stabilitetit makro-fiskal në vendin tonë, procesin e rishikimit të buxhetit të Kosovës.

Ambasadori Kosnett shprehu gatishmërinë e Ambasadës Amerikane për të mbështetur Ministrinë e Financave dhe Qeverinë e Republikës së Kosovës në avancimin e proceseve që kanë të bëjnë me rimëkëmbjen ekonomike, fuqizimin e institucioneve dhe progresin e përgjithshëm të Republikës së Kosovës”, ka thënë Bajrami./Gazeta inFokus/