Lajme

Ministria e Kulturës Rinisë dhe Sportit ndan 30 mijë euro për Majlinda Kelmendin

Autori: Gazeta inFokus 16:23 | 26 December 2017

Ministri i Kulturës Rinisë dhe Sportit, Kujtim Gashi dhe përfaqësuesit e Komitetit Olimpik të Kosovës e Federata e Xhudos së Kosovës kanë nënshkruar sot Memorandum Bashkëpunimi.

Përmes këtij Memorandumi janë ndarë sot 30 mijë euro për mbështetje financiare për përgatitjen e sportistes Kelmendi përgjatë ciklit olimpik për lojërat olimpike 2020, transmeton Infokusi.com

Gashi tha se mbështetja financiare për sportistët që arrijnë rezultate kulmore siç është rasti i medalistes olimpike Majlinda Kelmendi është një lloj mirënjohje nga shteti dhe një nxitje për prezantim e përfaqësim sa më cilësor të shtetit tonë.

-Advertisement-

Më poshtë mund të gjeni të plotë postimi e Gashit në “facebook”

“Së bashku me përfaqësuesit e Komitetit Olimpik të Kosovës (KOK), Federaten e Xhudos së Kosovës (FXHK) dhe xhudistën Majlinda Klemendi nënshkruajtëm Memorandum Bashkëpunimi me qëllim të mbështetjes financiare për përgatitjen e sportistes Kelmendi përgjatë ciklit olimpik për lojërat olimpike 2020, sipas të cilit MKRS-ja do të ndajë mjete financiare në vlerë prej 30 mijë euro.

Me këtë marrëveshje u dakorduam që xhudistja Kelmendi të përfaqësojë vetëm Republikën e Kosovës në garat ndërkombëtare përgjatë ciklit olimpik, të prezantojë Republikën e Kosovës në Ciklin Olimpik dhe t’i përgjigjet Republikës së Kosovës në xhudo sa herë që është e nevojshme të mbrojë ngjyrat e shtetit tonë.

Mbështetja financiare për sportistët që arrijnë rezultate kulmore siç është rasti i medalistes olimpike Majlinda Kelmendi është një lloj mirënjohje nga shteti dhe një nxitje për prezantim e përfaqësim sa më cilësor të shtetit tonë në arenën ndërkombëtare në fushën e sporti, e cila edhe ndihmon në ngritjen e shtetit tonë anekënd botës.”/INFOKUSI

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme