Lajme

Ministria e Donika Gërvallës ndan rreth 6 mijë euro për 4 telefona dhe 3 smart TV

Autori: Gazeta inFokus 13:21 | 20 March 2023

Ministria e Punëve të Jashtme dhe Diasporës ka paraparë për të shpenzuar 5 mijë e 760 euro, para të taksapaguesve kosovarë për blerjen e telefonave celular dhe smart TV.

Zyra e prokurimit e Ministrisë së Punëve të Jashtme dhe Diasporës të hënën ka bërë njoftim për kontratë për “Furnizim me Smart TV dhe telefona celular ”.

Siç bëhet e ditur në kontratën e publikuar në KRPP, ministria e udhëhequr nga Donika Gërvalla ka paraparë blerjen e 4 telefonave celular dhe 3 smart TV.

-Advertisement-

Sipas njoftimit, për këtë qëllim, MPJD ka parashikuar të nënshkruaj kontratë deri në 5 mijë e 760 euro dhe për këtë aktivitet të prokurimit ministria përdori procedurën e koutimit të çmimit me kriter të dhënies së kontratës me çmimin më të ulët.

Në njoftim janë paraqitur edhe specifikat për blerjen e smart TV dhe telefonave.

MPJD po kërkon 3 smart TV me rezolucion 4K Ultr HD (3840*2160). Ndërsa për telefona, MPJD ka kërkuar blerjen e modeleve të reja të Samsung me 64 GB dhe 128 GB, ngjyrë të zezë.

Afati i fundit për dorëzimin e tenderëve është deri me datë 27.03.2023, në ora 13:30.


  

Subscribe në YouTube: GAZETA INFOKUSI
MYZHDE për krejt!

Të tjera

Fokusi

lajme