Lajme

Ministria e Arsimit nuk heq dorë: Të shtunën zëvendësimi i orëve të humbura

Autori: Gazeta inFokus 13:36 | 13 October 2022

Ministria e Arsimit, Shkencës, Teknologjisë dhe Inovacionit ka njoftuar për orarin e zëvendësimeve të orëve të humbura gjatë grevës së mbajtur, shkruan Gazeta Infokus.

Përmes një njoftimi për media thuhet se bazuar në ndryshimet në kalendarin e rishikuar, ju informojmë se dita e shtunë, datë 15 tetor, do të jetë ditë pune për nxënësit e klasave 1-8, sipas orarit të përcaktuar nga shkollat.

“Gjatë një muaji të grevës, janë humbur gjithsej 22 ditë mësimi apo rreth 12 përqind e ditëve të vitit shkollor të cilat duhet të zëvendësohen. Për shkak të çrregullimeve në pandemi, humbjet në arsim në Kosovë janë shumë të mëdha, derisa këto humbje janë shtuar edhe më shumë për shkak të grevave. Muajt në vijim mund të ketë çrregullime potenciale që mund të shkaktohen nga problemet e furnizimit me energji elektrike andaj, çdo diskutim për mosmbajtje të mësimit, është jo vetëm i dëmshëm, por edhe qëllimkeq e tendencioz”, thuhet në njoftimin e kësaj ministrie.

-Advertisement-

Ndryshe kanë kërkuar që të gjitha shkollat të organizohen sa më mirë për mbajtjen e këtyre orëve të humbura, e ku kanë theksuar se Inspektorati i Arsimit do të jetë në terren dhe do ta mbikëqyrë zbatimin e kalendarit të vitit shkollor.

“MAShTI kërkon që të gjitha shkollat të organizohen sa më mirë për mbajtjen e orëve të humbura për shkak të grevës, ashtu siç e parasheh kalendari i rishikuar. Inspektorati i Arsimit do të jetë në terren dhe do ta mbikqyrë zbatimin e kalendarit të vitit shkollor. Në kuadër të kompetencave dhe përgjegjësive për sigurimin e organizimit dhe mbarëvajtjes së mësimit në arsimin parauniversaitar, presim që komunat të sigurohen për realizimin e kalendarit shkollor duke filluar nga kjo e shtunë”, thuhet tutje në njoftim./Gazeta Infokus/

 

Jashari sërish kundër Nagavcit: Prindërit dhe SBASHK-u vendosin për zëvendësimin e orëve të humbura jo MASHT-i

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme