Sport

Ministri Hasani mirëpret ndarjen e parcelës për Kampusin e Universitetit të Gjilani

Autori: Gazeta inFokus 19:18 | 15 December 2017

Ministri i Tregtisë dhe Industrisë Bajram Hasani ka mirëpritur vendimin e Qeverisë për ndarjen e parcelës për ndërtimin e kampusit të Universitetin të Gjilanit “Kadri Zeka” në hapësirë prej 7.30 hektarësh.
Ministri Hasani ka thënë se ky është një lajm i mirë për qytetarët e Gjilanit, Anamoravës dhe për shqiptarët e Kosovës Lindore. Ai ka shtuar se duke iu falënderuar ministrit të Arsimit Shyqeri Bytyqi vitin e ardhshëm do të fillojë edhe ndërtimi i kampusit.

Ky është statusi i plotë i Hasanit në Facebook:

Qeveria e Republikës së Kosovës sërish ka kthyer vëmendjen kah Gjilani.

-Advertisement-

Sot në mbledhjen e Qeverisë kemi marrë vendim që të ndajmë parcelën për ndërtimin e kampusit të Universitetit të Gjilanit “Kadri Zeka”. Ky është një lajm i mirë për qytetarët e Gjilanit dhe të gjithë Anamoravës sepse tani më në fund studentët e kësaj ane do të kenë mundësinë që të studiojnë në një kampus dinjitoz.

Duke ju falënderuar ministrit të Arsimit Shyqiri Bytyqi ndërtimi i kampusit të Universitetit të Gjilanit do të fillojë në vitin 2018.

Si pjesë e kësaj Qeverie zotohem se Gjilani më nuk do të mbetet një rajon i harruar dhe izoluar nga investimet e mëdha e strategjike.
Gëzuar Gjilan!
Gëzuar Anamoravë!
Gëzuar Kosovë Lindore!

Subscribe në YouTube: GAZETA INFOKUSI