Lajme

Minatorët e Trepçës hyjnë në grevë, ende s’i kanë marrë pagat e qershorit

Autori: Gazeta inFokus 13:13 | 12 July 2023

Minatorët e Trepçës kanë hyrë në grevë, si shkak i mos-ekzekutimit të pagave për muajin qershor.

Lajmin për Klankosova.tv e ka konfirmuar kryetari i Sindikatës së Minatorëve, Ibrahim Jonuzi, i cili tha se përveç pagave, punëtorëve tash e 3-4 vjet nuk iu është paguar as Trusti.

“Po, është e vërtetë që minatorët kanë hyrë në grevë. Kjo po ndodhë për shkak të mos-ekzekutimit të pagave të muajit qershor për punëtorë”.

-Advertisement-

“Por, ka edhe kërkesa të tjera nga punëtorët, siç është pagesa e Trust-it, i cili herë-herë është paguar, por borxhet janë shumë të mëdha, pastaj kushtet në minierë janë të këqija, kërkohet përmirësimi i tyre”, tha Jonuz, njofton Klankosova.tv.

Jonuzi më tej tha se si arsyetim për vonesa të pagave për minatorët i është dhënë mungesa e mjeteve financiare në llogari.

Subscribe në YouTube: GAZETA INFOKUSI