Sport

Mike Tyson: Joshua është më i miri, e dua këtë boksier kundër tij (Foto)

Autori: Gazeta inFokus 18:54 | 04 May 2017

Boksieri i njohur botëror, Mike Tyson mendon se Anthony Joshua është tashmë më i miri në Botë, transmeton IndeksOnline

Joshua zyrtarisht njoftoi publikun se është një boksier i fuqishëm duke mposhtur Wladimir Klitschkon javën e kaluar.

Britaniku tani mban titujt, “WBA”, “IBF” dhe “IBO” në kategorinë e rëndë. Lufta tjetër e Joshuas ende nuk është vendosur, por spekulohet se mund të jenë kandidatët si: Dontay Wilder, Jospeh Parker dhe Tyson Fury.

-Advertisement-

“Të gjithë duan ta shohin Joshuan. Me atë çfarë sjelli të shtunën e kaluar i ka bërë të gjithë ta shikojnë atë para Wilder e boksierëve tjerë”, ka thënë Tyson.

Legjenda e boksit gjithashtu thotë se nuk preferon meçin ndërmjet Joshuas dhe Wilderit, por mendon se boksieri nga Kuba, Mike Perez mund të jetë kundërshtari ideal për të.

“Nuk e mendoj se Deontay Wilder – Joshua mund të jetë një luftë e mirë. Unë do ta preferoja të luftonte me Mike Perez. Ai ka nevojë për një çift që lufton shumë”, shtoi Tyson.

Perez është 31-vjeçar dhe ka të zhvilluar 24 luftëra, 21 fitore, 13 me “K.O”, dy humbje dhe një barazim.