Sport

Messi: “Pëlqej ta fitoj La Ligën më shumë sesa ta marrë Pichichin”

Autori: Gazeta inFokus 09:56 | 22 December 2020

Ylli i Barcelonës, Lionel Messi, të hënën mbrëma ka fituar çmimin ‘Pichichi’ për herë të tetë, shkruan Gazeta inFokus.

Ky çmim i dhurohet golashënuesit me të mirë në La Liga çdo fund vit.

Messi me 33 gola të shënuara gjatë sezonit 2019/20 ka arritur që për të dytën herë radhazi të dalë triumfues.

-Advertisement-

Por, kjo si duket nuk i ka bërë aspak përshtypje gjashtë herë fituesit të Topit të Artë, i cili ka deklaruar se qëllimi i tij është La Liga.

“Pichichi për herë të tetë? Nuk e di, e as që po mendoj për të, sepse nuk është diçka që më brengos apo pas të cilës jam i obsesionuar”.

“Pëlqej ta fitoj La Ligën më shumë sesa ta marrë Pichichin, për këtë edhe po luftojmë”.

“Ne po rritemi dalëngadalë. Kishim vështirësi të kyçeshin në ligë, por as nuk e kemi merituar t’i lëshonim gjithë ato pikë, sepse kemi mundur t’i fitonim disa ndeshje si kundër Alavesit, Getafes dhe Real Madridit”, ka deklaruar Messi për Marcan.

Barcelona aktualisht gjendet në pozitën pestë në tabelë me 21 pikë./Gazeta inFokus/

Subscribe në YouTube: GAZETA INFOKUSI