Sport

Messi, dënimi për evazion konvertohet në gjobë

Autori: Gazeta inFokus 09:40 | 24 June 2017

Prokuroria spanjolle pranon të konvertojë dënimin me burg të Lionel Messit dhe babait të tij, Jorge Messi, për evazionin fiskal prej 4.1 milionë eurosh të kryer në periudhën 2007-2009.

Sipas asaj që publikohet në median spanjolle, organi i akuzës e dorëzoi dokumentacionin që flet për këtë çështje në Gjykatën e Apelit të Barcelonës, ku u mor edhe vendimi për të dënuar Messin dhe babain e tij, respektivisht me 21 dhe 15 muaj burg.

Gjithnjë sipas medias spanjolle, Lionel Messi do të paguajë një gjobë prej 252 mijë eurosh, ndërsa babai i tij prej 180 mijë eurosh.

-Advertisement-

Mësohet se ishin pikërisht avokatët e futbollistit, ata që bënë kërkesën për konvertimin e dënimit me burg të sulmuesit argjentinas të Barcelonës në gjobë, duke parë se është një krim që ai nuk e ka kryer më parë, ndërkohë që dënimi ishte me më pak se 2 vite burg, kërkesë të cilën Prokuroria vendosi ta pranojë.

Subscribe në YouTube: GAZETA INFOKUSI
Etiketa:
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

sport