Lajme

Mësimdhënësve të Vitisë nuk iu dolën pagat e shtatorit, Nagavci: Ndihem keq për shkak të menaxhimit jo të mirë të komunës

Autori: Gazeta inFokus 14:15 | 03 October 2024

Mësimdhënësve të komunës së Vitisë ende nuk iu ka dalur paga ashtu siç edhe pritej në fillim të shtatorit.

Për këtë çështje, ka folur sot ministrja e Arsimit, Shkencës, Teknologjisë dhe Inovacionit, Arbërie Nagavci.

Nagaci tha se “ky është një lëshim, gabim i vet komunës”.

-Advertisement-

“Unë ndihem shumë keq që për shkak të menaxhimit jo të mirë të komunës, por edhe për shkak të situatave të krijuara në të kaluarën, kur nuk janë planifikuar implementimi i kontratës kolektive tashmë janë mësimdhënësit ata që po e pësojnë”, tha Nagavci.

Ajo theksoi pret nga Komuna e Vitisë që “me prioritet të shqyrtojnë të gjitha rekomandimet dhe udhëzimet që Ministria e Financave u ka dhënë deri më tani”

Subscribe në YouTube: GAZETA INFOKUSI