Rajoni dhe Bota

Merkel, Macron dhe Putin diskutojnë për vaksinat

Autori: Gazeta inFokus 11:26 | 31 March 2021

Presidenti i Francës, Emmanuel Macron dhe kancelarja gjermane Angela Merkel kanë diskutuar me presidentin e Rusisë, Vladimir Putin në lidhje me bashkëpunimin e mundshëm për vaksinat kundër koronavirusit.

Njoftimi u bë nga ana e presidencës franceze më 30 mars.

Macron dhe Merkel gjatë bisedës përmes video-lidhjes me presidentin rus, i kanë bërë thirrje atij që të respektojë të drejtat e kundërshtarit politik Aleksei Navalny dhe të ruajë shëndetin e tij, tha në një deklaratë pallati Elize.

-Advertisement-

Të tre udhëheqësit diskutuan gjithashtu situatën në Ukrainë, Bjellorusi, Libi, Siri dhe ranë dakord të koordinojnë përpjekjet në mënyrë që Irani të kthehet në përputhje të plotë me detyrimet e tij ndërkombëtare, tha deklarata.

Edhe Kremlini bëri një njoftim për mbajtjen e bisedimeve. Në deklaratë u tha se liderët diskutuan për “perspektivat e miratimit të vaksinës ruse Sputnik V në Bashkimin Evropian dhe furnizimet e mundshme të saj si dhe prodhimi i përbashkët në vendet e BE-së”. Rusia tha se në bisedime u fol edhe për situatën në Siri./REL/

Subscribe në YouTube: GAZETA INFOKUSI
Etiketa:

Të tjera

Fokusi

rajoni-dhe-bota