Lajme

Mehaj takon homologun finlandez, folën për bashkëpunimin në fushën e sigurisë

Autori: Gazeta inFokus 13:40 | 20 February 2023

Ministri i Mbrojtjes, Armend Mehaj, sot ka pritur në takim Ministrin e Mbrojtjes në detyrë  të Finlandës , Mikko Savola.

Përmes një postimi në Facebook, ai ka bërë të ditur se kanë diskutuar rreth situatës aktuale gjeopolitike.

“Sot prita në takim Ministrin e Mbrojtjes në detyrë  të Finlandës , Mikko Savola me të cilin diskutuam rreth situatës aktuale gjeopolitike, impaktit të agresionit rus në Ukrainë, si dhe situatën e sigurisë në Kosovë, bashkëpunimin me KFOR-in e po ashtu për synimet tona të përbashkëta për anëtarësim në NATO”, shkroi ai.

-Advertisement-

Mehaj bëri të ditur se temë diskutimi ishte edhe bashkëpunimi në fushën e sigurisë.

“Gjithashtu temë diskutimi ishte edhe bashkëpunimi në fushën e sigurisë, trajnimet e përbashkëta dimërore ndërmjet dy forcave, dhe shkëmbimi i përvojës së Ushtrisë Finlandeze sa i përket konceptit të rezervës vullnetare, që së shpejti do të jetë formë e shërbimit edhe në ushtrinë tonë”.

“Ministrin në detyrë e njoftova për zhvillimin e FSK-së, implementimin e Planit të Përgjithshëm të Tranzicionit, si dhe gatishmërinë tonë për të ofruar gjithë ndihmën e mevojshme në misonet e NATO-s, ashtu siç kemi vepruar duke asistuar në operacionin për evakuimin e refugjatëve afgan, si dhe ofrimin e trajnimeve për ushtarakët ukrainas”, shkroi Mehaj.

Mehaj u shpreh se ministri Savola, vlerësoi lartë bashkëpunimin e FSK-së me KFOR-in.

“E ritheksova edhe një herë se synimi ynë është që të ofrojmë kontributin tonë në sigurinë e përgjithshme, andaj anëtarësimi në NATO, është objektivi ynë më i rëndësishëm. Në anën tjetër Ministri në detyrë Savola, vlerësoi lartë bashkëpunimin e FSK-së me KFOR-in dhe shprehu gatishmërinë për bashkëpunimin në një situatë kur synimi për anëtarësim në NATO, dhe ruajtja e stabilitetit e paqes mbeten përpjekjet kyqe të angazhimit ditor. Finlanda është shteti ynë mik me të cilët ndajmë vlerat demokratike, andaj bashkë jemi më të fortë”, ka shkruar tutje Mehaj.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme