Lajme

​Mehaj: Çdo hap drejt forcimit të ushtrisë e kemi hedhur me mbështetjen e ShBA-ve

Autori: Gazeta inFokus 18:39 | 09 August 2023

Tani është ish-ministër i Mbrojtjes, por Armend Mehaj e ka shoqëruar pasardhësin e tij në takimin me atasheun amerikan, derisa ky i fundit kishte shkruar për t’i uruar Ejup Maqedoncit detyrën e re si ministër.

Mehaj ka shkruar se në këtë takim koloneli amerikan, Mosley, ka shprehur gatishmërinë e tij për vazhdim të bashkëpunimit dhe raporteve sipas tij të shkëlqyera.

“Për ne partner strategjik dhe i përhershëm do të mbeten Shtetet e Bashkuara të Amerikës me mbështetjen e të cilëve kemi hedhur çdo hap drejt forcimit të ushtrisë dhe shtetit tonë”, ka shkruar Mehaj.

-Advertisement-

Mehaj, dorëheqja e të cilit u pranua të martën nga kryeministri Albin Kurti, ka bërë sot homazhe te varri i veprimtarit të çështjes kombëtare Adem Demaçi.

“Vizioni i bacës Adem do të jetë ai që na udhëheqë neve në punën dhe angazhimet tona”, ka thënë Mehaj.

Para se të lë Ministrinë e Mbrojtjes, ai ka zhvilluar takim lamtumirës me pasardhësin e tij, Ejup Maqeodnci, si dhe udhëheqësit e drejtorive në këtë institucion.

Armend Mehaj ka shërbyer ministër i Mbrojtjes në Qeverinë Kurti, nga viti 2021.

Ai ka thënë se dorëheqja e tij nga Qeveria vjen për arsye familjare.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme