Sport

Megjithatë nuk do të ketë finale të Ligës së Kampionëve në New York

Autori: Gazeta inFokus 17:05 | 13 September 2018

Presidenti i UEFA-s, Aleksander Ceferin, ka insistuar duke thënë se ideja për një finale të Ligës së Kampionëve në qytetin e New York-ut momentalisht nuk është duke u diskutuar.

Drejtori ekzekutiv i kompanisë Mediapro, Jaume Roures, kishte thënë se ata janë në bisedime me UEFA-n për ta caktuar njërën nga finalet e ardhshme të Ligës së Kampionëve në New York të Shteteve të Bashkuara të Amerikës.

“Kjo ide momentalisht nuk është duke u diskutuar fare”, ka thënë Ceferino.

-Advertisement-

“UEFA nuk ka plane për ta mbajtur finalen e Ligës së Kampionëve jashtë Evropës”.

La Liga tashmë kanë arritur marrëveshje 15-vjeçare me kompaninë Relevant, për t’i zhvilluar disa nga ndeshjet e ligës në Shtetet e Bashkuara të Amerikës, si dhe në Kanada. Ndeshja e parë e këtij sezoni që do të zhvillohet jashtë Spanjës, do të jetë ajo mes Gironas dhe Barcelonës, në Miami më 27 janar.

Subscribe në YouTube: GAZETA INFOKUSI