Më shumë se 200 mijë viktima nga lufta në Ukrainë
![](https://gazetainfokus.com/wp-content/uploads/2022/11/ukraina-600x360-1.jpg)
Autori: Gazeta inFokus
13:12 | 10 November 2022
Forcat ukrainase kanë zmbrapsur sulmet e reja ruse në rajonin lindor të Donjeckut, ku Moska vazhdon të kryejë një ofensivë në drejtimet Bakhmut dhe Avdiyivka, ka thënë Shtabi i Përgjithshëm i Ukrainës.
Ndërkohë, gjeneral i lartë amerikan , Mark Milley, foli për “vuajtje të jashtëzakonshme” dhe viktima që solli lufta mbi ukrainasit.
Luftimet e ashpra në lindje pasoi urdhrin e ministrit rus të Mbrojtjes, Sergei Shoigu, për një tërheqje nga bregu perëndimor i lumit Dnieper në rajonin pjesërisht të pushtuar të Hersonit në pengesën e fundit të dukshme për Moskën në fushën e betejës në juglindje të Ukrainës.
Ushtria ukrainase tha se kishte zmbrapsur, gjithashtu, sulmet ruse në rajonin e Luhanskut, i cili së bashku me Donjeckun përbëjnë rajonin Donbas të Ukrainës lindore.
Forcat ruse nisën sulme me raketa dhe ajrore dhe goditën më shumë se 30 vendbanime në rajonet Donjeck, Luhansk, Dnipropetrovsk, Zaporizhja, Mikolajiv, Sumi dhe Herson, tha ushtria.
Gjenerali amerikan, Milley, tha se rreth 100.000 ushtarë rusë dhe rreth 100.000 ukrainas ishin vrarë ose plagosur në luftë, shifra më e lartë e përmendur deri më tani nga një zyrtar perëndimor.
Milley, duke folur në një ngjarje në Nju Jork, më 9 nëntor, tha gjithashtu se rreth 40.000 civilë kishin vdekur pasi u kapën në konflikt.
Vlerësimet nuk mund të konfirmoheshin në mënyrë të pavarur.
Si Kievi, ashtu edhe Moska, ruajnë me kujdes numrin e viktimave. Në përditësimin e fundit në shtator, Rusia tha se 5.937 ushtarë ishin vrarë që nga fillimi i konfliktit më 24 shkurt.
“Ka pasur jashtëzakonisht shumë vuajtje, vuajtje njerëzore”, tha Milley, duke shtuar se konflikti krijoi midis 15 dhe 30 milionë refugjatë.
Kombet e Bashkuara kanë dokumentuar 7.8 milionë njerëz si refugjatë nga Ukraina në të gjithë Evropën, përfshirë Rusinë. Megjithatë, shifra nuk përfshin ata që janë detyruar të zhvendosen përbrenda Ukrainës.
Duke iu referuar urdhrit të Shoigut për një tërheqje nga Hersoni, Milley tha se treguesit fillestarë sugjeronin se Rusia do të vazhdonte tërheqjen e saj, por ai paralajmëroi se mund të duhet kohë për t’u përfunduar.
Nga shumë analistë ushtarakë, Hersoni konsiderohet si më i rëndësishmi nga katër rajonet pjesërisht të okupuara të Ukrainës që Rusia i shpalli të aneksuara në shtator.
Ai kontrollon të vetmen rrugë tokësore për në Gadishullin e Krimesë të okupuar nga Rusia të Ukrainës dhe grykën e lumit Dnieper që përshkon Ukrainën.
Kievi ka reaguar me kujdes ndaj njoftimit të Rusisë për tërheqje , duke vënë në dukje se disa forca ruse mbetën në Herson dhe se po dërgoheshin përforcime në rajon.
“Ata po largohen, por jo në masën sikur të ishte një tërheqje e plotë”, tha Oleksiy Arestovych, një këshilltar i presidentit ukrainas, Volodymyr Zelenskiy, në një video të postuar në internet vonë më 9 nëntor. /REL
![](https://gazetainfokus.com/wp-content/uploads/2023/12/Image_20231220_143505_782-scaled.jpeg)
Të tjera
-
Moti nesër dhe ditëve në vazhdim
Nesër në Kosovë na pret mot mjaft i këndshëm veror, me temperatura pak nën vl...
-
Kritikat e Haxhiut për Kushtetuesen/ Miftaraj: Jo të qëndrueshme – pushtetarët s’duhet të komentojnë vendimet gjyqësore
Ministrja e drejtësisë, Albulena Haxhiu, ka kritikuar Gjykatën Kushtetuese du...
-
“Pagesa” për Prishtina Fan Zone, Rama e krahason asamblistin e VV-së me Kurtin
Kryetari i Prishtinës, Përparim Rama, ka reaguar ndaj deklaratave të asamblis...
-
Haxhiu takon dy të mbijetuara të Masakrës së Poklekut: Vazhdojmë të luftojmë për drejtësi
Ministrja e Drejtësisë, Albulena Haxhiu, është takuar me Elhame Muçollin dhe ...
-
Aksion policor në Kaçanik, arrestohet i dyshuari për kultivimin e bimëve narkotike
Policia e Kosovës, respektivisht DHTN- Ferizaj njofton se ka pranuar informac...
-
Hovenier: E dimë saktësisht se ku është kufiri i Kosovës, në veri të lumit Ibër
Ambasadori i Shteteve të Bashkuara të Amerikës në Kosovë, Jeffrey Hovenier, k...
-
Valon Syla: Albini me Vjosen me një “shtrafsiger” kanë me i ndreqë krejt punët
Gazetari Valon Syla ka ironizuar me kryeministrin Albin Kurti dhe Presidenten...
-
Gjykata serbe ia cakton 1 muaj paraburgim kosovarit të arrestuar mbi pretendimin për krime në Koshare
Personit të arrestuar nga Serbia, me pretendimin për krime lufte në Koshare, ...
-
Konjufca paralajmëroi për një sulm serb, Qalaj: Deklarata populiste në prag të zgjedhjeve
Para dy ditësh, kryeparlamentari Glauk Konjufca deklaroi se ka informacione t...
-
Ambasadori amerikan në Rubikon; pritet nga Shkëlqim Devolli dhe Adriatik Kelmendi
Ambasadori amerikan në Kosovë, Jeffrey Hovenier, sot ka qëndruar në Klan Koso...
-
“Nuk i pata as gjysmën e parave”, Ganimete Musliu tregon si i siguroi 30 mijë euro për ta mbuluar një pjesë të operimit në Gjermani
Deputetja e Partisë Demokratike të Kosovës (PDK), Ganimete Musliu, ka folur p...
-
Kurti lamtumirë Kadaresë: U ndamë prej trupit të tij që e mori arkivoli i mbështjellë me flamurin kombëtar
Kryeministri i Kosovës, Albin Kurti, i ka dhënë lamtumirën shkrimtarit të njo...