Lajme

E akuzoi për manipulim të votave të diasporës, Alban Zogaj padit Dejona Mihalin

Autori: Gazeta inFokus 12:26 | 28 Mars 2025

Alban Zogaj ka dorëzuar sot një padi për shpifje në Gjykatën Themelore të Prishtinës ndaj aktivistes së Lëvizjes Vetëvendosje, Dejona Mihali. Ai e akuzon atë për shpifje të pabazuara lidhur me manipulimin e votave të diasporës, shkruan Gazeta Infokus.

“Sot kam dorëzuar në Gjykatën Themelore të Prishtinës padinë për shpifje ndaj Dejona Mihalit, aktiviste e VV-së, pas akuzave të rënda dhe të pabaza që ajo ka bërë kundër meje, ndër të tjera,” ka thënë Zogaj.

Ai shtoi se akuzat e Mihalit janë të pavërteta dhe dëmtojnë integritetin e tij personal si dhe besimin e qytetarëve në procesin zgjedhor.

-Advertisement-

“Ajo më ka akuzuar padrejtësisht për manipulim të votave të diasporës – një shpifje e pastër që synon të dëmtojë integritetin tim dhe besimin e qytetarëve në procesin zgjedhor. Unë besoj në ndershmërinë e procesit demokratik dhe nuk do të lejoj që askush të përhapë shpifje për qëllime politike,” theksoi ai.

Zogaj u shpreh se me këtë padi nuk po mbron vetëm veten, por edhe parimet themelore të demokracisë.

“Prandaj, përmes kësaj padie, po mbroj jo vetëm dinjitetin tim, por edhe parimin se zgjedhjet duhet të jenë të pastra dhe të drejta, të mbrojtura nga çdo tentativë për manipulim apo diskreditim përmes shpifjeve. Drejtësia duhet të thotë fjalën e saj dhe e vërteta duhet të mbizotërojë mbi shpifjet,” deklaroi ai.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy