Me këngë e valle qytetarët po kremtojnë festën e flamurit në kryeqytet
![](https://gazetainfokus.com/wp-content/uploads/2022/11/kombtare-600x3601-1.jpg)
Autori: Gazeta inFokus
17:09 | 28 November 2022
Me flamuj, këngë, valle e aktivitete të ndryshme po vazhdon të kremtohet festa e 28 nëntorit në kryeqytet.
Të bashkuar e krenarë qytetarët kanë dalë në sheshet “Zahir Pajazit”, “Nënë Tereza” e “Skënderbeu në Prishtinë, por ata thonë se është dashur të ketë më shumë aktivitete për Festën e Flamurit.
Besnik Grajqevci, njëherësh artist, tha se ka një mungesë të përkushtimit për këtë festë, sipas tij është dashur të organizojnë më mirë pasi është derdhur shumë gjak për këtë festë.
“Kam dal si qytetar i rëndomtë për ta shikuar sheshin e Prishtinës, si po festohet kjo festë… E shoh një mungesë, përkushtim jo të duhur, për arsyeje se kjo është njëra ndër festat kryesore të kombit tonë dhe kudo që frymon populli shqiptar, kudo që jetojmë, veprojmë duhet ta kemi koncentrimin më të madh te kjo festë, për arsyeje se është bërë shumë flijim i madh për këtë festë. Andaj, mendoj se do duhet të ishte një organizim më i mirë”, tha Grajqevci.
Dibran Gashi, qytetar, shprehur tejet i gëzuar për festën e 28 nëntorit. Ai thotë se është dashur shumë punë për të arritur në këtë ditë.
“Me dëshirë dhe vullnet kam dalë ta festojë 28 Nëntorin – Ditën e Flamurit Kombëtar. Jemi të lumtur dhe të gëzuar që ka arritur kjo ditë, të bëjmë këtë festë me kënaqësi… Festa e flamurit është një festë e madhe mbarëkombëtare, e cila përfshin të gjitha trojet, pavarësisht ku gjenden shqiptarët në gjithë botën”, tha Gashi.
Shyqeri Azemi, qytetar, tha po ashtu se është dashur të organizohen më shumë aktivitete në shenjë të kësaj feste.
“Sot është ditë e veçantë, është festa e flamurit, festa e pavarësisë 28 nëntori… Por, besoj se duhet të ketë më shumë aktivitete”, tha Azemi.
Shukri Retkoceri, qytetar nga Ferizaj, e sheh këtë festë si të zbehur. Sipas tij komuna është dashur të organizojë më shumë aktivitete.
“Festë e madhe, kombëtare… Unë çfarë po shoh në Prishtinë, kjo festë si e zbehur, jo e gjallë sikur duhet të jetë, mirëpo ka qenë dashur komuna ta organizojë pak më mirë”, tha Retkoceri.
Gjatë ditës së sotme, Drilli ushtarak i Togut Ceremonial të FSK-së me rastin e 28 nëntorit, Pavarësisë së Shqipërisë ka mbajtur aktivitet në sheshet “Zahir Pajaziti”, “Nënë Tereza”, “Skënderbeu” në Prishtinë.
Po ashtu është përuruar shtatorja e profesor Anton Çettës në oborrin e Universitetit të Prishtinës, dhe shtatorja e Faik Rexhepit, përmes të cilës, i pari i Prishtinës, Përparim Rama tha se skulptura tregon rezistencën paqësore mbarëkombëtare përkundër terrorit serb.
Me 28 nëntor shqiptarët festojnë Pavarësinë e Shqipërisë si dhe kujtojnë daljen e parë publike të Ushtrisë Çlirimtare të Kosovës.
![](https://gazetainfokus.com/wp-content/uploads/2023/06/Screenshot_2-12.png)
Të tjera
-
Ajeti e takon Scholzin: Gjermania, një aleat historik dhe tradicional i Kosovës
Ambasadori i Gjermanisë në Kosovë, Faruk Ajeti, sot e ka takuar kancelarin gj...
-
Në ditët në vijim priten rrebeshe shiu në Kosovë, por jo dhe vërshime
Në ditët në vijim në Kosovë, priten reshje e shiu e rënie të temperaturave. ...
-
Gjendet pa shenja jete një grua në Fushë Kosovë
Një trup i pajetë është gjetur në rrugën “Hysen Xhakolli” në Fushë Kosovë. ...
-
Hoxhaj, Lavrovit: Propaganda ruse dhe serbe e ‘spạstrimit etnik’ të serbëve në Kosovë, përpjekje për destabilizim
Nënkryetari i Kuvendit nga radhët e PDK-së, Enver Hoxhaj, ka reaguar ndaj dek...
-
Lavrov: Po tentojnë që serbët t’i dëbojnë në heshtje nga Kosova
Ministri i Jashtëm rus, Sergei Lavrov, ka thënë se serbët e Kosovës janë duke...
-
Kurti: Trashëgimia e Rexhep Lucit mbetet e gjallë dhe duhet të vazhdojë përmes veprave tona
Kryeministri Albin Kurti, përmes një njoftimi ka bërë të ditur se e ka shikua...
-
Aksident në mes autobusit të “Trafikut Urban”, dhe një veture në Prishtinë (PAMJE)
Një aksident trafiku ka ndodhur para pak minutave në mes të autobusit të “Tra...
-
Arrestohet një serb për krimẹ lụftẹ në Istog
Policia e Kosovës ka arrestuar një serb për krime lufte kundër popullsisë civ...
-
“Ekrem Rrahmani, assesi nuk po mund të edukohet” reagon VV-ja në Podujevë pas përplasjes me Bulliqin
Lëvizja Vetëvendosje e Qendrës në Podujevë, ka reaguar pas përplasjes...
-
Lansohet projekti për sigurinë e fëmijëve në trafik
Në shkollën fillore ” Naim Frashëri” në Prishtinë, sot u bë lansimi i projekt...
-
Dogana sekuestron dy automjete luksoze, vlera e tyre marramendëse
Ditën e sotme, Njësitet Antikontrabandë të Doganës së Kosovës në rajonin e Pr...
-
Dështon vazhdimi i seancës në Kuvend, shkak mungesa e kuorumit
Kuvendi i Kosovës nuk ka pasë kuorum për të vazhduar pjesën e dytë të seancë ...