Lajme

Mbyllja e TikTok-ut në Shqipëri, reagon kompania kineze: Presim sqarime urgjente

Autori: Gazeta inFokus 11:30 | 22 December 2024

Kompania kineze e rrjetit social, TikTok ka reaguar në lidhje me vendimin e qeverisë shqiptare për mbylljen për një vit të Tik Tok në Shqipëri.

Associated Press raporton se kompania do të kërkojë sqarime urgjente nga qeveria shqiptare lidhur me vendimin për mbylljen e platformës TikTok.

TikTok në një përgjigje me email të shtunën ndaj një kërkese të Associated Press për koment, kërkoi “qartësi urgjente nga qeveria shqiptare” për rastin e adoleshentit të vrarë me thikë.

-Advertisement-

Kompania tha se “nuk kishte gjetur asnjë provë që autori ose viktima kishte llogari TikTok dhe raportet e shumta kanë konfirmuar në fakt videot që çuan në këtë incident po postoheshin në një platformë tjetër, jo në TikTok”, raporton Associated Press, duke publikuar dhe një përgjigje me email, ndaj një kërkese për koment nga kompania kineze.

Kryeministri Edi Rama njoftoi të shtunën se qeveria do të mbyllë shërbimin video TikTok për një vit, duke e fajësuar atë për nxitje të dhunës dhe bullizmit, veçanërisht midis fëmijëve.

Ky vendim erdhi pas vrasjes me thikë një muaj më parë të të Martin Canit pranë shkollës Fan Noli në mes të nëntorit nga një adoleshent tjetër pas një sherri që filloi në TikTok.

Autoritetet shqiptare zhvilluan një muaj konsultime me mësues dhe prindër pas vrasjes me thikë të Martin Canit pranë shkollës Fan Noli.

Duke folur në një takim me mësues dhe prindër, Rama, tha se TikTok “do të ishte plotësisht i mbyllur për të gjithë. … Nuk do të ketë TikTok në Republikën e Shqipërisë.” Rama tha se mbyllja do të fillojë vitin e ardhshëm./A2CNN

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

lajme