Lajme

Mbyllet procesi zgjedhor në PD-së, dalin rezultatet

Autori: Gazeta inFokus 21:15 | 17 April 2022

Pas mbylljes së procesit zgjedhor, Komisioni i Organizimit dhe Kontrollit të Operacioneve Elektorale të Partisë Demokratike, shprehje e Komisionit të Rithemelimit brenda partisë, procesi për numërimin e votave për kryetarët e rinj të degëve ka vijuar me ritme të larta, duke dhënë rezultatet e para përfundimtare.

Në Tiranë, në degën numër 3 kryetar u shpall u shpall Gëzim Demushi me 81% të votave. Ndërkohë, në degën nr. 13 të kryeqytetit fitoi Arsen Valisi me 61% të votave.

Ish-nënkryetari i Partisë Demokratike Atird Hoxha është zgjedhur për 4 vjet si kreu i PD-së në Vlorë, ndërsa në Sarandë Manjola Nikolla fitoi me 73% të votave.

-Advertisement-

Kryetar i PD-së, dega Gjirokastër, u shpall Eris Shahin Shehaj me 53% të votave. Në Tepelenë, kreu i PD-së u shpall Malo Sadikaj me 87% të votave. Kryetar i PD dega Kukës u shpall Admir Sinamati me 91% , ndërsa në Cërrik fitoi Nadire Asllani me 78%.

Kryetar i PD-së, dega Përmet, u shpall Arson Lipe me 81 % të votave, ndërkohë në Pogradec fitoi Genti Çela me 54% të votave.

Kryetar i PD-së, dega Memaliaj, u shpall Bujar Pasho Kapllani me 87.7% të votave, ndërkohë që fitore domethënëse ishte ajo e Arjan Kasës në Këlcyrë, me 92% të votave. Në Patos, fitore për Shezaim Ymerajn me 69% të votave.

Zgjedhjet zhvilloheshin sot në 18 degë. Mungojnë ende rezultatet nga Hasi, Delvina, Kavaja, Kamza dhe dega nr.9 e Tiranës./A2

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’

Të tjera

Fokusi

lajme