Lajme

Mburret QKUK, i shpëtuam jetën 63 vjeçarit nga Podujeva

Autori: Gazeta inFokus 13:52 | 14 August 2017

Në Shërbimin e Kardiokirurgjisë të Qendrës Klinike Universitare të Kosovës (QKUK) është kryer një ndërhyrje e komplikuar, ku një pacienti i rrezikohej jeta si pasojë e komplikimeve shëndetësore në zemër.

“Pacientit  B.Z (1954) nga Podujeva, i është bërë ‘bypassi’ dhe ‘endarterektomi’ e arteries karotide të djathtë, pra  procedurë e pastrimit dhe rikonstruktimit të arterieve që e furnizojnë me gjak trurin” njofton QKUK.

Pra, ndërhyrja përveçse ka shpëtuar në aspektin kardiokirugjik ka parandaluar  edhe sulmin e mundshëm në tru që njihet si  ‘insult cerebral’.

-Advertisement-

Ndërhyrje të tilla deri më tani janë kryer vetëm në klinikat me shërbime më të avancuara, përderisa kjo është hera e parë që kryhet në shërbimin e kardiokirurgjisë.

Ekipa operatore pëbëhej nga  Dr. Raif Çavolli, kirurg kardiovaskular, dr.  Sabjan Memisha,  kardiokirug, dr. Shkelzen Murriqi,  anesteziolog dhe ekipi tjetër ndihmës nga transfuzionisti, instrumentaret dhe teknikët e anestezionit.

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme