Mbrojtja e Thaçit kishte kërkuar leje për intervistimin e një dëshmitari pa praninë e ZPS-së dhe para se ai të dëshmonte
![](https://gazetainfokus.com/wp-content/uploads/2023/11/Hashim-Thaci-1130x635-1-852x460.jpg)
Autori: Gazeta inFokus
18:10 | 02 November 2023
Angela Griep, zëdhënëse e Dhomave të Specializuara të Kosovës (DhSK) në Hagë, përmes informimit javor të DhSK-së, tregoi për zhvillimet në çështjet të cilat po i trajton kjo gjykatë, duke njoftuar se mbrojtja e Hashim Thaçit kishte kërkuar leje për të intervistuar një dëshmitar të Prokurorisë përpara se dëshmitari të jepte dëshmi dhe pa praninë e Prokurorisë.
Griep tha se trupi gjykues e hodhi poshtë kërkesën e mbrojtjes dhe udhëzoi që t’i përmbahen procedurës së përcaktuar në vendimin përkatës për kontakte.
Zëdhënësja tha se më 31 tetor u vë në dispozicion versioni i redaktuar publik i vendimit të trupit gjykues, mbi kërkesën e mbrojtjes së Thaçit.
“Mbrojtja e Thaçit kishte kërkuar leje për të intervistuar një dëshmitar të Prokurorisë përpara se dëshmitari të jepte dëshmi dhe pa praninë e Prokurorisë. Trupi gjykues hodhi poshtë kërkesën e mbrojtjes dhe e udhëzoi atë që t’i përmbahet procedurës së përcaktuar në vendimin përkatës për kontaktet”, tha Griep, raporton “Betimi për Drejtësi”.
Griep njoftoi për vendimin që përcakton kornizën për trajtimin e informacionit konfidencial gjatë hetimeve dhe kontaktet midis një pale dhe dëshmitarëve të palës tjetër, e cila hodhi poshtë edhe kërkesën e mbrojtjes së Thaçit.
“Më 24 qershor 2022, gjykatësi i procedurës paraprake lëshoi vendimin që përcakton kornizën për trajtimin e informacionit konfidencial gjatë hetimeve dhe kontaktet midis një pale dhe dëshmitarëve të palës tjetër. Sipas atij vendimi, përpara dhënies së dëshmisë, palët nuk e kontaktojnë dhe as nuk e intervistojnë një dëshmitar të palës tjetër, nëse pala kundërshtare është njoftuar për synimin për të thirrur dëshmitarin”, tha Griep.
Megjithatë, sipas saj, kur një palë gjykon se kanë ndryshuar rrethanat, ato mund të kërkojnë ndryshim të vendimit.
“Trupi gjykues konstatoi se nuk ka pasur ndryshim të rrethanave në këtë çështje gjyqësore dhe rrjedhimisht vendimi lidhur me kontaktet mbetet në fuqi”, tha Griep.
Zëdhënësja e DhSK-së tha se është dhënë urdhër nga gjyqtari i procedurës paraprake që konferenca mbi ecurinë e çështjes gjyqësore kundër Sabit Januzit dhe Ismet Bahtjarit të mbahet më 3 nëntor.
“Gjykatësi i procedurës paraprake do t’u kërkojë palëve përditësime lidhur me aspekte ende të patrajtuara të përcaktuara në rendin e ditës, si vështirësitë lidhur me nxjerrjen ose përkthimin e materialit provues, ecurinë e hetimeve të ZPS-së dhe kur do të jetë në gjendje ZPS-ja të dorëzojë dosjen paraprake”, tha ajo.
Griep tha se gjatë kësaj jave, në çështjen ndaj Thaçit dhe të tjerëve, ka dhënë dëshmi dëshmitari i 31-të i cili ishte me masa mbrojtëse. Kurse, ajo tha se dëshmitari i 32-të ka filluar dëshminë e tij, sot paradite.
“Në çështjen gjyqësore Thaçi dhe të tjerët, dëshmitari i 31-të i thirrur nga Prokuroria dha dëshmi të hënën, 30 tetor. Dëshmitari dha dëshmi me masa mbrojtëse dhe kryesisht në seancë të mbyllur. Dëshmitari i 32-të ka filluar dhënien e dëshmisë sot paradite, nëpërmjet video-konferencës dhe kryesisht në seancë publike”, tha Griep.
Zëdhënësja Griep tha se më 1 nëntor u bë publik vendimi i trupit gjykues i datës 8 shtator, me të cilin një dëshmitar i Prokurorisë u lejua të jepte dëshmi nëpërmjet video-konferencës për shkak të gjendjes së rëndë shëndetësore.
Sipas Griep, në çështjen ndaj Thaçit dhe të tjerëve, seanca e radhës është planifikuar për të hënën, 6 nëntor 2023. Ndërsa, në çështjen gjyqësore ndaj Pjetër Shalës, seanca e radhës është planifikuar për 20 nëntor.
Ndryshe, Dhomat e Specializuara të Kosovës në Hagë, çdo të enjte, në orën 14:30, përmes platformës online “Zoom” mbajnë informim javor ku ofrojnë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.
![](https://gazetainfokus.com/wp-content/uploads/2024/06/FotoLajmVFS.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...