Sport

Mbretërit e Evropës u nisën për të pushtuar Parisin

Autori: Gazeta inFokus 11:35 | 06 March 2018

Parku i Princave do të mirëpresë mbretërit e Evropës sonte (e martë) në mbrëmje, ku Real Madrid, vijnë për të konfirmuar kalimin e tyre në çerekfinale të Ligës së Kampionëve, shkruan infokusi.

Los Blancos vjen me një rekord mbresëlënës në këtë garë, si historikë ashtu edhe në takimet më të fundit. Real Madridi gjithashtu vjen me Cristiano Ronaldon, mbretin e kësaj gare të madhe.

Nr.7 i Realit ka shënuar në të gjitha shtatë paraqitjet e Ligës së Kampionëve, dhe gjithsej 11 gola këtë sezon, dy prej të cilëve në ndeshjen e parë në Santiago Bernabeu, në fitoren e Real Madrid me rezultatin 3-1.

-Advertisement-

Ai ka shënuar 14 gola në tetë udhëtimet e tij të fundit. Kur ai është në fushë, Real Madrid gjithsesi shënon, veçanërisht në këtë garë. Hera e fundit që Los Blancos nuk ka shënuar të paktën një herë në Ligën e Kampionëve ishte në gjysmëfinale të 2015/16, kur Ronaldo nuk ishte i pranishëm dhe kur Manchester City i eleminoi nga kjo garë.

Fituesi i Topit të Artë 2017 do të shpresojë të buzëqeshë përsëri në Paris, kur gjyqtari kryesor të përfundoj takimin e shumëpritur i cili zhvillohet sonte me fillim nga ora 20:45. /infokusi.com

Subscribe në YouTube: GAZETA INFOKUSI