Lajme

Mblidhet Kryesia e LDK-së, takimin e udhëheq Isa Mustafa

Autori: Gazeta inFokus 18:41 | 07 August 2018

Lidhja Demokratike e Kosovës (LDK) është duke mbajtur mbledhjen e Kryesisë së partisë dhe të kryetarëve të degëve. Mbledhjen po e kryeson Isa Mustafa, i cili kthehet në publik pas disa muajsh, pasi ishte përballur me probleme shëndetësore.

Mediet janë lejuar të marrin vetëm pamje nga fillimi i mbledhjes, ndërsa takimi do të vazhdojë me dyer të mbyllura.

Në këtë mbledhje, sipas burimeve, do të diskutohet për zhvillimet aktuale politike, përfshirë dialogun Kosovë-Serbi, raporton EO.

-Advertisement-

Partitë në pushtet kanë kërkuar që edhe opozita t’i bashkëngjitet ekipit negociator në fazën finale të dialogut Kosovë-Serbi.

Por, deri më tani shumica e zyrtarëve të Lidhjes Demokratike të Kosovës janë shprehur kundër pjesëmarrjes. Por, ish-kryeministri Mustafa deri më tani nuk ka dalë me qëndrim.

Kreu i LDK-së ishte shtruar, në muajin janar, në një spital të Prishtinës dhe më pas ishte dërguar për shërim më të specializuar në njërën prej klinikave të Gjermanisë.

Subscribe në YouTube: GAZETA INFOKUSI