Lajme

Mbi 50 milionë të infektuar me koronavirus në Evropë

Autori: Gazeta inFokus 07:53 | 29 April 2021

Më shumë se 50 milionë njerëz janë infektuar nga koronavirusi i ri në Evropë, që kur u shfaq për herë të parë në Kinë në fund të vitit 2019, raporton agjencia AFP.

Shifra bazohet nga të dhënat e 52 vendeve dhe territoreve që shtrihen deri në Azerbajxhan dhe Rusi. Vetëm në shtatë ditët e fundit janë regjistruar 1.382.000 raste të reja. Kjo shifër tregon për një mesatare prej 197.400 rastesh në ditë.

Shumë vende evropiane kanë raportuar për një numër më të ulët të rasteve ditore me koronavirus në dy javët e fundit. Disa qeveri tashmë po heqin gradualisht masat e kufizimeve të vendosura për të parandaluar përhapjen e COVID-19.

-Advertisement-

Për shembull Britania e Madhe lejoi bizneset jo-thelbësore dhe kafenetë në natyrë të rihapen, dhe tani raporton një mesatare prej 2.300 rastesh të reja në ditë.

Lehtësimi i masave erdhi pas një bllokimi mbarëkombëtar dhe një fushate të gjerë vaksinimi.

Italia ka miratuar gjithashtu një rihapje të pjesshme të bareve, restoranteve, kinemave dhe teatrove, ndërsa Franca, e cila ka numrin më të lartë të rasteve të deklaruara në Evropë, raporton një rënie të lehtë të numrit të të infektuarve. Më shumë se 5.5 milionë njerëz janë infektuar në Francë.

Mbi 1.060.900 njerëz kanë vdekur në Evropë që nga fillimi i pandemisë.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme