Mbi 13 mijë ndërtime pa leje në Pejë, Prokuroria fillon hetimet
Autori: Gazeta inFokus 20:55 | 19 November 2019
Prokuroria në Pejë ka nisur grumbullimin e informatave rreth dhënies së një leje ndërtimore në Pejë. Kjo për shkak se aktualisht në komunën e Pejës janë mbi 13 mijë ndërtime pa leje.
Dhënia e lejes së ndërtimit për këtë objekti banesor në Pejë është vënë nën llupën e Prokurorisë.
Gjithë ky interesim i organit të akuzës ka ardhur pasi që rasti aty është paraqitur nga Policia, konkretisht nga Njësiti i Krimeve Ekonomike.
E këtu ka dyshime se leja ndërtimore për këtë objekt është dhënë në mënyrë të kundërligjshme.
Se po merren me këtë rast e kanë konfirmuar edhe nga Prokuroria Themelore e Pejës.
“Lidhur me rastin në fjalë prokuroria e Pejës, departamenti për krime të rënda ka pranuar një shkresë zyrtare nga Policia, përkatësisht nga njësiti kundër krimeve ekonomike për çka prokuroria është në fazën e grumbullimit të informatave rreth këtij rasti dhe varësisht nga grumbullimi rasti do të procedohet tutje”, ka thënë Shkodran Nikci, zyrtar për informim në Prokurorin e Pejës.
Dyshime për këtë rast kanë edhe partitë opozitare në Pejë.
Madje, sipas Fisnik Ademit, që është sekretar i AAK-së në këtë qytet, kjo leje ndërtimi është dhënë pa nënshkrimin e ish Drejtorit të Urbanizmit.
“Ne kemi informata që nuk e ka nënshkruar ish drejtori i kaluar, por dyshimet tona janë që e ka nënshkruar Gazmend Muhaxhiri, ndryshe nuk kish marrë leje ai objekt. Fenomeni i ndërtimeve pa leje ka kapluar Pejën, janë mbi 13 mije ndërtime pa leje”, ka thënë Fisnik Dema, sekretari i AAK’së në Pejë.
Për këtë çështje T7 ka kontaktuar edhe me ish drejtorin Skënder Syla.
Ai përmes telefonit ka thënë se ishte tentuar që me çdo kusht me u dhënë kjo leje, por që sipas tij nuk janë respektuar procedurat.
Ndërkohë, T7 ka kontaktuar edhe me pronarin e këtij objekti Sefedin Berisha.
Ai nuk ka dashur të flasë para kamerës, veçse ia dërguar televizionit një kopje të lejes ndërtimore e ku figuron edhe nënshkrimi i ish-drejtorit e Urbanizmit, Skender Syla.
Ndërsa televizioni gjatë ditës së martë e ka pasur të pamundur të kontaktoj me kryetarin e Pejës, Gazmend Muhaxhirin, pasi ky i fundit nuk i është përgjigjur interesimit të televizionit. Përgjigje nuk kanë dhënë as zyrtar të tjerë të komunës.
E shqetësim për ndërtimet pa leje kanë edhe organizatat joqeveritare.
“Qytetin e Pejës gjithë e ka përcjellë ky problem sidomos vitet e fundit kur kemi pas një aktakuzë për ish-drejtorin e urbanizmit”, ka thënë Naser Lajqi nga organizata Syri i Vizionit.
Sipas Lajqit në këtë qytet numri i ndërtimeve pa leje është goxha i madh.
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...