Lajme

Mbi 1 mijë e 400 vende të lira pune në “superpuna”, Murati thotë se ka paga deri në 1 mijë euro

Autori: Gazeta inFokus 13:26 | 25 February 2023

Ministri i Financave, Punës dhe Transfereve, Hekuran Murati, ka njoftuar se deri tash janë shpallur 1 mijë e 413 pozita të lira pune për të rinjtë 18-25 vjeç në platformën “superpuna”, e krijuar nga Qeveria e Kosovës.

Murati tha se paga mesatare e këtyre pozitave është 358 euro, derisa shtoi se ka paga që shkojnë edhe deri në 1 mijë euro.

“Aktualisht në superpuna janë 1,413 pozita të lira pune për të rinjtë 18-25 vjeç. Paga mesatare e këtyre pozitave është 358 euro, që nënkupton se shumica e bizneseve po shtojnë pagën mbi subvencionin e Qeverisë, por ka paga që shkojnë edhe deri në 1,000 euro”, ka shkruar Murati.

-Advertisement-

Ndryshe, Qeveria e Kosovës ka krijuar një platformë punësimi për të rinjtë.

Përmes “superpuna”, çdo punëdhënës mund të angazhojë deri në 30% të stafit të tyre ekzistues, e Qeveria do të bëj subvencionimin e pagës për 264 euro në muaj, për gjashtë muaj me radhë.

Punëdhënësit mund të jenë nga sektori privat, publik dhe sektori jo-qeveritar.

Subscribe në YouTube: GAZETA INFOKUSI