Lajme

Mbështeti ofensivën e Rusisë në Ukrainë, Moldavia shpall “jokushtetuese”, partinë pro-ruse

Autori: Gazeta inFokus 16:56 | 19 June 2023

Gjykata Kushtetuese e Moldavisë ka shpallur “jokushtetuese” partinë pro-ruse Shor pas një vale protestash antiqeveritare në vend.

Sipas mediave të huaja Partia Shor, e udhëhequr nga Ilan Shor, ka organizuar protesta prej muajsh në vendin e vogël në kufi me Ukrainën, duke mbështetur ofensivën ruse. Shor, i cili jeton në Izrael, është akuzuar nga Perëndimi dhe Kishinau për përpjekje për të destabilizuar Moldavinë dhe është sanksionuar nga Shtetet e Bashkuara dhe Bashkimi Evropian.

Në vendimin e gjykatës, pala duhet të shpërndahet nga momenti i shpalljes së vendimit. Ministria e Drejtësisë e Moldavisë do të ngrejë një komision të posaçëm që do të marrë përsipër të gjitha procedurat ligjore për shfuqizimin e partisë.

-Advertisement-

Shor ka mohuar se protestat janë pjesë e përpjekjeve për të destabilizuar Moldavinë ose pjesë e një kërcënimi rus dhe ka akuzuar presidenten e vendit, Maya Sandu, se e ka çuar Moldavinë drejt falimentimit.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë
-Advertisement-

Të tjera

Fokusi

lajme