Sport

Mbappe nuk vjen vetëm në Madrid, merr vëllain dhe një lojtar tjetër të PSG

Autori: Gazeta inFokus 14:06 | 29 February 2024

Telenovelës Kylian Mbappe po i vjen fundi shumë shpejt me lojtarin që e shndërroi në zyrtare faktin se nuk do të rinovojë kontratën me Paris Saint-Germain. Përfaqësuesit e sulmuesit po negociojnë me klubin spanjoll dhe pritet të mbërrijnë shpejt në një marrëveshje për ta prezantuar Mbappe në stadiumin Santiago Bernabeu. Megjithatë, duket se pjesë e këtyre negociatave nuk është vetëm Mbappe, por edhe dy emra të tjerë që francezi kërkon t’i transferojë në Madrid.

Bëhet fjalë për vëllain e tij, Ethan si dhe mbrojtësin Achraf Hakimi, një mik i ngushtë i Mbappe. Për këtë të fundit, madrilenët janë dakord ta transferojnë teksa e njohin mirë pasi marokeni ka qenë edhe më parë pjesë e Los Blancos teksa e shohin si zëvendësuesin ideal të Carvajal apo Nacho.

Ndërsa, mbeten skeptik për vëllain e Mbappe, duke qenë se organika e Realit është e mbushur me lojtarë të rinj dhe të talentuar, e vështirë se mund të ketë vend për një tjetër emër.

-Advertisement-