Sport

Mbappe krijon futbollistin e përsosur

Autori: Gazeta inFokus 15:23 | 14 November 2018

Sulmuesi francez i Paris Saint-Germainit, Kylian Mbappe, e ka zbuluar se si e mendon ai futbollistin e përsosur, duke i kombinuar aftësitë e lojtarëve të ndryshëm për ta bërë një të mrekullueshëm.

Përderisa në këtë listë ai ka futur shumë futbollistë të famshëm, Mbappe nuk beson se ai e meriton të përfshihet në këtë listë, pasi që thotë se futbollisti është mjaftueshëm i mirë pa të.

“Unë do ta zgjedhja këmbën e majtë të Lionel Messit, këmbën e djathtë të Neymarit, mendësinë e Cristiano Ronaldos dhe klasin e Gianluigi Buffonit”, ka thënë ai.

-Advertisement-

“Cilën pjesë të Neymarit? Nuk ka nevojë për asnjë pjesë timen, është mjaft mirë kështu!”

Përkundër moshës së tij, Mbappe është mësuar të jetë në qendër të vëmendjes mediatike, veçanërisht gjatë muajve të fundit pasi u bë adoleshenti i parë që nga Pele në vitin 1958, i cili arriti të shënonte gol në finalen e Kupës së Botës, ku ai triumfoi bashkë me Kombëtaren e Francës

Statistikat tregojnë se Mbappe është lojtari më vendimtar në të gjitha ligat evropiane për këtë sezon, kështu që nuk është e çuditshme që ai ka edhe statistikat më të mira në Ligue 1, me vlerësim prej 91.8 pikëve, në krahasim me Neymarin në vend të dytë, i cili ka 85.2 pikë.

Subscribe në YouTube: GAZETA INFOKUSI