Sport

“Mbappe donte Real Madridin, kishte një shans edhe te Barcelona”

Autori: Gazeta inFokus 09:56 | 21 May 2019

Ish-trajneri i PSG, Unai Emery, tha se Kylian Mbappe dëshironte të bashkohej me Real Madridin, para se gjigantët francezë ta bindnin përfundimisht për të qëndruar. Mbappe ka qenë i lidhur ngushtë me gjigantët e La Liga-s, ndërkohë që së fundi, 20-vjeçari i talentuar i ka shtuar spekulimet për të ardhmen e tij, duke pohuar se mund të jetë koha për një “projekt të ri”.

Kampionët e Ligue 1 i hodhën poshtë komentet e Mbappe, duke këmbëngulur se kampioni i botës do të mbetet në Paris. Megjithatë, Emery, i cili i drejtoi parizienët një sezon në Francë, zbuloi dëshirën që Mbappe kishte për të nënshkruar me Real Madridin, gjatë kohës së tij në stolin e PSG (2017-2018).

“Në një moment, të gjithë u angazhuan te PSG për ta bindur, – tha Emery për “Cadena SER”. – Unë bisedova me të dhe me babain e tij për të qëndruar. Ai donte të zgjidhte Real Madridin, gjithashtu kishte një shans te Barcelona. Të gjithë bashkë e bindëm me projektin e PSG dhe ai vendosi të qëndrojë. Ne kishim para për t’ia vendosur mbi tavolinë dhe këtë bëmë”.

-Advertisement-

Mbappe u bashkua me PSG nga Monaco, fillimisht si huazim dhe pastaj si blerje përfundimtare për shumën e 180 milionë eurove, në gusht 2017. Që atëherë, Mbappe ka shënuar 59 gola në të gjitha garat. 32 gola ka shënuar deri më tani në Ligue 1, këtë sezon.

Subscribe në YouTube: GAZETA INFOKUSI
Etiketa:
Një vit i suksesshëm përtej pritshmërive
-Advertisement-

Të tjera

Fokusi

sport