Sport

Mayweather ka ofertë të madhe për të luftuar në kafaz

Autori: Gazeta inFokus 12:33 | 14 December 2017

Floyd Mayweather Jr. ka menduar rikthimin në sport, por jo në sportin e boksit profesionist ku është pensionuar me bilanc perfekt prej 50 fitoresh nga po aq meçe, shkruan Daily Mail.

Ish-kampioni i botës në pesë kategori të ndryshme në boksin profesionist thotë se i është ofruar një marrëveshje prej disa luftërave për të hyrë në kafaz në serinë më të njohur të arteve marciale të përziera (MMA), në UFC, përcjell Koha Ditore.

Pasi ka mposhtur mbretin e UFC-së, irlandezin Conor McGregor më 26 gusht të këtij viti në një duel në 12 raunde në boks profesionist, Mayweather u ka thënë adhuruesve të tij se ka ende shumë mundësi për të nëse dëshiron të kthehet. Mayweather fitoi duelin e boksit, që është vlerësuar si më fitimprurësi në histori, me nokaut teknik në raundin e dhjetë.

-Advertisement-

Në një video në “Instagram” ai ka thënë: “Ju e dini se jam një njeri i parasë. Jam njeri i parasë. Më kanë telefonuar jo shumë kohë më parë dhe më kanë pyetur nëse dua të kthehem në sport. Mund të kthehem menjëherë. Nëse dua mund të kthehem menjëherë të ngjitem në UFC. Mund të luftoj në kafaz. Mund të bëj një marrëveshje tri-katër luftëra në kafaz dhe të fitoj një miliard dollarë. Mbani në mend, unë jam Floyd “Paraja” Mayweather dhe unë ju dua dhe ju më doni mua”.

Mirëpo, realiteti është se me gjithë aftësinë e tij të biznesit dhe gjenialitetin në marketing, në moshën 40-vjeçare dhe pa përvojë të mëhershme në MMA, Mayweather me gjasë do të dëmtonte trashëgiminë e tij me futje në një sport të ri.

Në të vërtetë do të ishte befasuese të shihej Mayweather të ngjitej në kafazin e UFC-së.

Pa dyshim se McGregor do të pëlqente këtë. Irlandezi kishte bërë kalimin nga UFC në boksin profesionist, për t’u u ndeshur me mbretin Mayweather. Ai ka deklaruar se do të pëlqente tash që një boksier të futet në kafazin e UFC-së e të ndeshet me të.

Subscribe në YouTube: GAZETA INFOKUSI
Etiketa:
FREE FRIDAY ME ZBRITJE DERI 70%
-Advertisement-

Të tjera

Fokusi

sport