Sport

Marotta e pranon se po tentojnë për të marrë mesfushorin e Liverpoolit

Autori: Gazeta inFokus 08:43 | 19 January 2018

Drejtori Sportiv i Juventusit, Beppe Marotta e ka pranuar se janë në bisedime dhe po tentojnë transferimin e Emre Can.

Mesfushori gjerman ka kontratë me Liverpoolin deri në fund të këtij sezoni dhe ende nuk ka vendosur nëse do të vazhdojë kontratën apo jo.

“Emre Can është lojtar që do t’i përfundojë kontrata në fund të sezonit dhe kjo na lejon të negociojmë me të dhe këtë e kemi bërë”, tha fillimisht Marotta për Sky Sport Italia, shkruan Albeu.

-Advertisement-

“Nuk mund të them nëse ai do të nënshkruajë kontratë të re me Liverpoolin, por mund të them se ne do të tentojmë gjithçka për ta marrë lojtarin. Natyrisht, duke respektuar edhe dëshirën e lojtarit”.

“Ne po respektojmë Liverpoolin, por, po ashtu po respektojmë edhe rregulloret dhe ligjet” përfundoi Marotta.

Subscribe në YouTube: GAZETA INFOKUSI
Etiketa:

Të tjera

Fokusi

sport