Sport

Marca: Reali duhet të ketë kujdes nga Enis Bardhi!

Autori: Gazeta inFokus 13:28 | 09 September 2017

Reali i Madridit, kundërshtar i Levantes të shtunën në drekë (ora 13:00) e di mirë se nuk duhet të shkaktojë goditje dënimi pranë zonës pasi Enis Bardhi është gati t’i ndëshkojë.

Futbollisti me origjinë shqiptare që luan me Maqedoninë ka shënuar 3 gola gjatë fazës përgatitore (Cádiz, Villarreal dhe Elche), ndërsa Deportivo ishte viktima e fundit në kampionat.

“Goditjet e dënimit i kam armë të fortë. Por, skuadra jonë ka dhe aspekte të tjera të mira. Unë ndihmoj me sa të mundem”, thotë Bardhi në një intervistë për gazetën sportive spanjolle “Marca”.

-Advertisement-

Enis Bardhi, i cili është blerë nga Ujpesti i Hungarisë për 1.5 milionë euro, ka zbuluar se është një fans i madh i Cristiano Ronaldos, të cilin nuk do e ketë sot përballë për shkak të pezullimit të portugezit.

Gjithsesi, Bardhi shpreson se sot në Bernabeu të lërë shenjën e tij: “Nuk e di a do të kem rastin që të godas ndonjë goditje dënimi. Është motivim i madh për mua që të luaj kundër Realit”.

Subscribe në YouTube: GAZETA INFOKUSI