Lajme

Maqedonci dhe shefi i EULEX-it pajtohen se sulmi në Banjskë u menaxhua profesionalisht nga Policia e Kosovës

Autori: Gazeta inFokus 17:05 | 14 November 2023

Ministri i Mbrojtjes, Ejup Maqedonci, është takuar këtë të martë me shefin e EULEX-it, Giovanni Pietro Barbano, me të cilin ka diskutuar rreth situatës së sigurisë në Kosovës, me theks të veçantë në veri të vendit.

Maqedonci ka thënë se edhe pse sulmi terrorist i 24 shtatorit ka ngjallur shqetësim tek të gjithë, ai është menaxhuar në mënyrën jashtëzakonisht profesionale nga ana e Policisë së Kosovës, dhe “për këtë ishim që të dy dakord”.

“Shefin e EULEX-it e falënderova për mbështetjen ofruar Policisë së Kosovës gjatë kësaj kohe përmes prezencës së EULEX-it në veri, gjë që sigurisht ka kontribuar në stabilizimin e situatës”, ka shkruar ministri në Facebook.

-Advertisement-

Tutje, ai ka theksuar se me kujdes të shtuar si dhe në koordinim të vazhdueshëm me Policinë e Kosovës dhe KFOR-it janë duke monitoruar situatën që ngjarje të tilla të mos përsëriten më.

“U dakorduam që kemi interesa te përbashkëta për të garantuar siguri për të gjithë qytetarët e Republikës së Kosovës”, ka përfunduar Maqedonci.

Subscribe në YouTube: GAZETA INFOKUSI
Etiketa:
Përsëri në shkollë me Viva Fresh Store!  
-Advertisement-

Të tjera

Fokusi

lajme