Sport

Man Utd ka gati 100 milion për dyshen e Kroacisë

Autori: Gazeta inFokus 18:17 | 13 July 2018

Paraqitjet fantastike  të ekipit kombëtar kroat në Kupën e Botës kanë ngitur në maksimum vlerën e të gjithë lojtarëve në tregun e futbollit, shkruan Gazetafokus.

Kroacia të dielën nga ora 17:00, do të zhvillojë finalen e madhe kundër Kombëtares së Francës, takim ky i cili zhvillohet në Moskë, ndërsa klubet  evropiane janë të çmendur për heronjtë e Kroacisë e në këtë rast dy nga futbollistët kroat  do të mund të luajnë së bashku në sezonin e ardhshëm  te skuadra e Manchester United.

Ata janë Ivan Perisic nga Interi dhe Ante Rebic nga Eintracht Frankfurt.

-Advertisement-

Sipas mediave angleze, të dy janë në shënjestër nga Man Utd. Jose Mourinho në dy vitet e fundit kërkonte shërbimet e Ivan  Perisic, i cili në një kohë ishte shumë afër ‘Old Traffordit’, por nerazzurrët ishin në gjendje të refuzonin të gjitha tentimet nga ishulli.

Megjithatë, Mourinho do të provoj përsëri, por në të njëjtën kohë ai mendon edhe për Rebic, i cili pati një sezon fantastike me Eintracht duke fituar Kupën e Gjermanisë.

Por sipas mediave angleze Inter me siguri nuk do të shesë Perisicin për një çmim nën 50 milion euro, ndërsa sa i përket transferimit të Rebic,  United thuhet se ka dërguar tanimë një ofertë prej rreth 50 milion euro.

Kontrata e Perisic me Inter mbaron në vitin 2022, ndërsa ajo e Rebic, deri në vitin 2021. /GazetaFokus.

Subscribe në YouTube: GAZETA INFOKUSI
Një vit i suksesshëm përtej pritshmërive
-Advertisement-

Të tjera