Besoni apo jo, në Korporatën Energjetike të Kosovës ka ndodhur nënshkrimi i disa kontratave me operator ekonomik disa muaj pas përfundimit të punëve.

Kështu në vargun e shkeljeve që ka gjetur Zyra e Auditorit ka ndodhur edhe kjo që konsiderohet një nga shkeljet më të mëdha e paprecedent të ndodhur në Kosovë, duke lënë kështu mundësi të mëdha keqpërdorimi financiar e kontraktim punësh me kosto enorme.

Auditori ka gjetur dy raste të tilla në Korporatën Energjetike në vargun e gjatë të shkeljeve tjera procedurale e financiare.

Saktësisht Auditori ka gjetur se me 23 dhjetor 2021 KEK kishte lidhur kontrate me një operator ekonomik në vlerë prei 248,650 euro me titull “Angazhimi i eksperteve për inspektimin dhe riparimin e dëmeve të krijuara nga avaria në turbinën e shtypjes se ulët në njësinë B2-TCB”. Gjatë ekzekutimit të kësaj kontrate, ekspertët e angazhuar kishin vlerësuar se duhet të kryhen punë shtesë dhe në dakordim me kompaninë këto punë ishin kryer gjatë muajit janar 2022. Për këto punë shtesë kompania me 02 maj 2022 kishte pranuar faturën në vlere 63,720€ ndërsa kontrata ishte nënshkruar me 30 qershor 2022, rreth 6 muaj pas përfundimit të punëve. Kjo kontratë ishte emërtuar si “Riparimi i lopatave të dëmtuara dhe matjet e vibrimeve dhe balancim në turbinën e shtypjes së ultë në njësinë B2”.

Në një rast tjetër KEK kishte nënshkruar marrëveshje për marrjen e shërbimit të sigurimit fizik të objekteve 43 ditë pas marrjes se shërbimeve.

LEXO EDHE: Auditori konfirmon menaxhimin skandaloz të Nagip Krasniqit në KEK, dhjetëra shkelje e mos përfillje të procedurave ligjore

Marrëveshja ishte nënshkruar me 15 shtator 2022 për marrjen e shërbimeve për periudhën prej 03 gusht deri me 02 shtator 2022. Vlen të theksohet se kompania për ketë shërbim kishte zhvilluar paraprakisht procedura të prokurimit të cilat kishin përfunduar me procese ankimore në Organin Shqyrtues të Prokurimit.

Kjo kishte ndodhur për shkak se punët/pozicionet e pa parashikuara gjatë ekzekutimit të kontratës, që janë vlerësuar të domosdoshme, e tejkalonin 10% të kontratës bazë si dhe për shkak të vonesave në zgjidhjen e proceseve ankimore në OShP.

Sipas Auditorit kryerja e punëve dhe shërbimeve pa kontratë dhe pastaj kontraktimi përveç se është në kundërshtim me ligjin e prokurimit, ndikon edhe në çmime më të pa favorshme nëse do të përdorej procedura e hapur konkurruese.

Auditori kërkon që Bordi i Drejtoreve të siguroj se vlera e parashikuar, lloji i propozuar dhe kushtet përmbajtjesorë të kontratës publike të bëhen me kohë si dhe nënshkrimi i kontratave të bëhet para fillimit të ekzekutimit të punëve, por që  KEK   në këto raste ka shkelur gjitha procedurat./Gazeta Infokus/

Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Sponsoruar