Lajme

Makina hyn në një klasë të Sidnejit, dy të vdekur

Autori: Gazeta inFokus 11:16 | 07 November 2017

Dy djem 8-vjeçarë mbetën të vrarë në një aksident të pazakontë që tronditi Sidnejin. Një makinë u përplas me një shkollë fillore, mëngjesin e së martës, duke hyrë në klasë.

Përpos viktimave, pati edhe 3 vajza të plagosura. Shumica e 19 fëmijëve të klasës u asistuan nga ndihma e shpejtë.

Drejtuesja e automjetit, një grua 52-vjeçare u shoqërua në polici. Ajo po i nënshtrohet analizave të detyruara të gjakut e urinës. Autoritetet nuk besojnë se bëhet fjalë për një akt të qëllimshëm.

-Advertisement-

“Në këtë fazë nuk mendojmë se bëhet fjalë për akt të qëllimshëm, e hetuesit po e trajtojnë rastin si aksident. Megjithatë, nëse do të thoshim se e dimë atë që e shkaktoi ngjarjen, do të ishte spekulim”, tha një zyrtar.

Ngjarja ndodhi në orën 9:45 me atë lokale në periferi të Greenacre. Burime mjekësore folën për pamje rrënqethëse në vendin e ngjarjes.

Dy djemtë u dërguan në një spital të afërt, ku humbën jetën për shkak të plagëve të marra. Një vajzë 9-vjeçare mbetet në gjendje të rëndë. Sipas policisë, një numër fëmijësh pësuan lëndime dhe u trajtuan në vendngjarje.

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme