Rajoni dhe Bota

Macron: Kryeministri australian gënjeu rreth paktit për nëndetëse

Autori: Gazeta inFokus 10:17 | 01 Nëntor 2021

Presidenti francez, Emmanuel Macron, ka thënë se është i sigurt që kryeministri australian, Scott Morrison, e ka gënjyer kur ka anuluar kontratën për nëndetëse ujore, që më vonë ka nxitur krizë diplomatike.

Duke folur në margjina të Samitit të 20 vendeve më të industrializuara (G20) që është mbajtur në Romë, Macron është pyetur nëse mendon që Morrison e ka gënjyer atë, duke mos e njoftuar për dialogun me Britaninë dhe Shtetet e Bashkuara për paktin e ri.

“Nuk mendoj. E di”, është përgjigjur Macron.

-Advertisement-

Ai ka thënë se ka shumë respekt për Australianë mirëpo ka shtuar se “kur them respekt, e mendoj që duhet të jemi të sinqertë dhe të veprojmë në përputhje me këtë vlerë”.

Macron dhe Morrison janë takuar në Romë për herë të parë prej kur Australia ka hequr dorë nga një marrëveshje për blerje të nëndetëseve ujore nga Franca, meqë ka nënshkruar marrëveshje të re me SHBA-në dhe Britaninë.

Morrison ka thënë më vonë se nuk ka gënjyer dhe ia ka sqaruar Maronit se nëndetëset franceze nuk kanë qenë më në përputhje me interesat strategjikë të Australisë.

Njoftimi për marrëveshje të re për siguri e pati zemëruar Francën në muajin shtator dhe për pasojë, Macron ka kthyer mbrapsht ambasadorët francezë nga Uashingtoni dhe Kanbera.

Pakti i ri për siguri synon të luftojë Kinën.

Përmes tij, Australia do të rrisë kapacitetet për mbrojtje, përfshirë pajisjen me nëndetëse me fuqi bërthamore.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

rajoni-dhe-bota

Ky website përdor cookies. Duke vazhduar përdorimin, ju pranoni përdorimin e tyre.

Privacy policy