Lajme

Lushtaku: Kryeministri nuk duhet të luaj me ndjenjat e popullit

Autori: Gazeta inFokus 21:06 | 17 September 2022

Deputeti Mergim Lushtaku ka komentuar deklaratën e kryeministrit Albin Kurti për të përditshmën kroate “Vecernji list”, ku tha se nuk përjashtohet mundësia e luftës në Kosovë.

Lushtaku tha se kryeministri nuk duhet të luaj me ndjenjat e popullit, meqë prezenca e ShBA-së dhe NATO-s eliminon mundësitë reale për luftë.

“Kjo qasje e Kryeministrit na kujton epokën e pushtetarëve të shekullit të kaluar të cilët përhapnin frikë e panik në popull nga armiq të jashtëm me qëllim që të largonin vëmendjen nga krizat e thella ekonomike, varfëria e dështimi qeverisës” shkruajti Lushtaku në Facebook.

-Advertisement-

Postimi i plotë i tij:

Kryeministri Kurti, përsëri gjatë një interviste të dhënë për gazetën kroate “Vecernji list”, paska përmendur mundësinë që në Kosovë të ketë luftë.

Kryeministri nuk duhet të luaj me ndjenjat e popullit sepse prezenca e SHBAsë dhe partnerëve tjerë të NATO-s në vendin tonë, eliminon çdo mundësi reale për luftë.

Kjo qasje e Kryeministrit na kujton epokën e pushtetarëve të shekullit të kaluar të cilët përhapnin frikë e panik në popull nga armiq të jashtëm me qëllim që të largonin vëmendjen nga krizat e thella ekonomike, varfëria e dështimi qeverisës.

Subscribe në YouTube: GAZETA INFOKUSI