Lajme

Lumir Abdixhiku i kërkon qeverisë heqjen e TVSH-së në produktet esenciale

Autori: Gazeta inFokus 10:48 | 19 October 2022

Kryetari i Lidhjes Demokratike të Kosovës, Lumir Abdixhiku ka kërkuar nga Qeveria e Kosovës që të heqë tatimin mbi vlerën e shtuar (TVSH-në), në produktet esenciale, shkruan Gazeta Infous.

Ai përmes një postimi në “Facebook”, ka thënë se Heqja e TVSH-së vetëm për këto produkte elementare, s’dëmton buxhetin e vendit.

“Heqja e TVSH-së vetëm për këto produkte elementare, s’dëmton buxhetin e vendit. Heqja e TVSH-së lehtëson dukshëm përballueshmërinë e kosovarëve në këtë krizë të paprecedentë”, ka shkruar Abdixhiku.

-Advertisement-

Poashtu ai ka shtuar se çmimi i miellit, vajit, bukës, qumështit, vezëve, domateve, patateve, orizit, fasuleve, sheqerit, naftës, benzinës e energjisë elektrike, është rritur për plot 50% në njëzet muajt e fundit.

“Çmimi i miellit, vajit, bukës, qumështit, vezëve, domateve, patateve, orizit, fasuleve, sheqerit, naftës, benzinës e energjisë elektrike, është rritur për plot 50% në njëzet muajt e fundit. Çfarë është blerë me 100 euro në fillim të vitit të shkuar, duhet të blihet me 150 euro sot. Këto nuk janë produkte luksi, e as të zëvendësueshme s’janë. Janë pjesë thelbësore e shpenzimeve mujore për çdo familje në vend”, ka shtuar Abdixhiku./Gazeta Infokus/

Më poshtë gjeni postimin e tij të plotë:

Subscribe në YouTube: GAZETA INFOKUSI