Lajme

Lumi Mirusha del nga shtrati, bllokohet rruga Mirushë-Gurbardh (Foto)

Autori: Gazeta inFokus 09:42 | 01 December 2017

Komuna e Malishevës ka njoftuar se si pasojë e reshjeve të mëdha gjatë gjithë natës së mbrëmshme, është rritur niveli i ujit në lumin Mirusha, e në veçanti në liqenin në Mirushë.

Ura mbi liqenin në Mirushë, që lidhë rrugë Mirushë-Gurbardh, është mbuluar nga uji dhe është e pakalueshme. Me këtë rast komuna ka rekomandur vozitësit që të shfrytëzojnë rrugët alternative.

Përndryshe, lumi Mirusha, në disa pjesë të rrjedhës së tij, ka dalë nga shtrati dhe janë përmbytur tokat përgjatë lumit, por situata është e kontrollueshme.

-Advertisement-

Drejtoria për Mbrojtje dhe Shpëtim (DMSH), është duke u kujdesur në terren me ekipet e saj. Me këtë rast DMSH në Malishevë, rekomandon shkollat, që në rast të vazhdimit të reshjeve dhe rritjes së nivelit të ujërave, të marrin masa.

Aktualisht procesi mësimor është duke u mbajtur në të gjitha shkollat, ndërsa nuk ka raportime për depërtim të ujit në ndonjë shtëpi banimi.